18.6 C
Pontevedra
Luns, 24 de Xuño de 2024
Máis
    HomeVal MiñorNigránNigrán ofrece unha excursión para esquiar en Alto Campoo

    Nigrán ofrece unha excursión para esquiar en Alto Campoo

    O Concello de Nigrán, co fin de democratizar a práctica deportiva do esquí, ofrece unha excursión á estación de Alto Campoo (Cantabria) do 24 ao 26 de febreiro cun prezo de 133 € para menores de ata 12 anos e 168 € para adultos. O prezo inclúe transporte, dúas noites de hotel 3 estrelas, almorzo e cea no hotel, comidas a pé de pista e 2 días de forfait con seguro. O prazo de inscrición é ata o 13 de Febreiro na Oficina de Información Cidadá (planta baixa do Concello de Nigrán).

    O venres 24 de febreiro sería á chegada ao hotel e distribución de habitacións, a mañá do sábado 25 dedicarase a esquí pola mañá e excursión pola tarde e o domingo 26 esquí tamén ata a hora de comer e regreso a Nigrán a continuación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.