22.5 C
Pontevedra
Luns, 15 de Abril de 2024
Máis
    HomeVal MiñorNigránNigrán achegará, o vindeiro ano, 51.000 euros para bonificar o transporte metropolitano...

    Nigrán achegará, o vindeiro ano, 51.000 euros para bonificar o transporte metropolitano a máis de 700 menores de 19 anos

    O alcalde de Nigrán, Juan González, acudíu esta mañá a reunión da Comisión de Seguimento da Área de Transporte Metropolitano de Vigo na delegación da Xunta, onde se acordou prorrogar o convenio vixente. Isto supón que Nigrán destinará o vindeiro ano 51.159,60 € das súas arcas para a bonificación de 758 tarxetas ‘Xente Nova’ coas que conta o municipio e cuxos usuarios (menores de 19 anos empadroados na localidade) viaxan gratis.

    Precisamente, o Concello incluíu no seu Plan Estratéxico de Subvencións 2020-23 un total de 56.000 € destinados a este convenio. Na comarca do Val Miñor a localidade de Nigrán é a que conta con máis beneficiarios desta tarxeta ‘Xente Nova’ por diante de Baiona con 624 usuarios e 34.794 € de aportación (Gondomar non forma parte do Transporte Metropolitano).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.