21.2 C
Pontevedra
Sábado, 3 de Xuño de 2023
Máis
    HomeVal MiñorBaionaTrinta millas decidirán os novos campións galegos de 'Solitarios' e 'A Dous'

    Trinta millas decidirán os novos campións galegos de ‘Solitarios’ e ‘A Dous’

    Un percorrido dunhas 30 millas náuticas de ida e volta entre Baiona e a illa de Ons decidirá, o vindeiro sábado 1 de xuño, quen son os gañadores do Campionato Galego de ‘Solitarios’ e ‘A Dous’ de 2019, que se celebra no marco do Trofeo Prima Vinia do Monte Real Club de Iates. Este é o oitavo ano consecutivo que a Real Federación Galega de Vela delega no club baionés a organización dunha das probas máis emocionantes e complicadas da tempada náutica, que se poderá seguir en directo en tempo real no computador ou móbil a través da páxina web do Monte Real.

    Tras as revisións de seguridade, confirmación de inscricións e reunión de patróns do venres, a proba comezará o sábado ás 11 da mañá e prolongarase, previsiblemente, durante todo o día.
    O percorrido, que dependerá se non hai máis remedio das condicións meteorolóxicas, está previsto que parta da baía de Baiona e teña como paso obrigado as balizas de Carallones e A negra, tras deixar atrás as Illas Cíes, as tripulacións participantes dirixiranse a Ons para virar o Camouco e regresar de novo a Baiona polo illote dos Viños, A Negra e Carallones.

    O Clinicas Gaias do R.C.N. Portosín, é un dos habituais nas probas de solitarios e a dous // Fotos: ©Rosana Calvo

    Haberá unha división de solitarios, para veleiros cun único tripulante; e unha división de dous en dous, para barcos cun máximo de dúas persoas a bordo. A frota de J80, que habitualmente compite en tempo real, poderá clasificarse tamén nesta proba en tempo compensado para entrar na clasificación do campionato.

    A entrega de premios celebrarase ás oito da tarde no Monte Real Club de Iates, e a ela asistirá, entre outros, o coordinador comercial da empresa pontevedresa comercializadora de viños que patrocina o trofeo.

    O Monte Real organiza, un ano máis, o Campionato Galego de Solitarios e A Dous // Foto: ©Rosana Calvo

    Ademais de ser Campionato Galego de Solitarios e A Dous, e render homenaxe ao que foi presidente do Monte Real durante máis de 40 anos, Rafael Olmedo Limeses, o Trofeo Prima Vinia é a segunda proba puntuable do Circuito Rías Baixas a Dous”, organizado de forma conxunta polos clubs náuticos de Portosín, Portonovo, Baiona e Bouzas.

    A primeira das probas, a Volta a Cíes, organizada polo Liceo Marítimo de Bouzas, celebrouse a fin de semana pasada, cun podio formado polo Salaño Dous, do Real Club Náutico de Vigo; o Ay Carmela do Liceo Marítimo de Bouzas; e o Namasté do Monte Real Club de Iates. As próximas citas do circuíto serán a Volta ao Barbanza, o Gran Trofeo Faro de Corrubedo e o Memorial Paco Alvariñas.

    COLABORACIÓNS

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    “The Last Of Us”

    Hace unos días, terminé de ver la primera temporada de la serie "The Last Of Us", una serie basada en la historia de un videojuego inspirado en un mundo apocalíptico.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    83 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS