13.3 C
Pontevedra
Martes, 21 de Maio de 2024
Máis
    HomeVal MiñorBaionaO Concello de Baiona honra a José Trigo Pereira ‘Seso’ no seu...

    O Concello de Baiona honra a José Trigo Pereira ‘Seso’ no seu 102 aniversario

    José Trigo Pereira, coñecido cariñosamente como ‘Seso’, recibiu a homenaxe do municipio con motivo dos seus 102 anos cumpridos o pasado día 1 de maio. O Concello de Baiona quixo mostrarlle o seu recoñecemento organizando un acto no Salón de Plenos para facerlle entrega dunha placa conmemorativa e, desta maneira, agradecerlle a súa dedicación e a súa vida na vila.

    O alcalde de Baiona, Jesús Vázquez Almuiña, acompañado de varios concelleiros do seu equipo participaron no acto no que se quería plasmar o afecto a un dos seus veciños máis lonxevos. Os representantes do consistorio felicitaron e agasallaron ‘Seso’ en nome de toda a cidadanía baionesa nun evento que foi unha oportunidade para recoñecer a vida e o legado de ‘Seso’.

    Nacido o 1 de maio de 1922, ‘Seso, que residiu no casco antigo de Baiona preto da igrexa, foi testemuña de innumerables cambios ao longo dos anos, e o Concello de Baiona comprácese en recoñecer a súa longa vida.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.