14.2 C
Pontevedra
Venres, 24 de Maio de 2024
Máis
    HomeVal MiñorBaionaBaiona ultima os preparativos do 'BaideTapas 2019'

    Baiona ultima os preparativos do ‘BaideTapas 2019’

    Hai oito anos, o Concello de Baiona e a Asociación de Comerciantes e Empresarios (Aceba), poñían en marcha a ruta de tapas ‘BaideTapas, unha iniciativa que tiña case un triple obxectivo, dinamizar a hostalería, amosar o extraordinario nivel ao que se atopa a gastronomía de Baiona e utilizar esta actividade como un elemento desestacionalizador do turismo. Hoxe, anos despois e coa oitava edición as portas, os obxectivos están máis que conseguidos como o demostra o éxito de participación que ten esta ruta.

    O éxito do BaideTapas, fai que este ano participen na convocatoria un total de 23 establecementos de todo o municipio –dous máis que no pasado ano– que elaborarán un total de 23 tapas diferentes que se servirán ao prezo de 2,5 euros ou 3,90 combinado cun dos viños patrocinadores desta campaña. Nesta oitava edición, os consumidores poderán degustar catro tipos de viño: aos xa habituais Albariño, Rioxa e Mencía, engádese un Ribeira do Douro.

    Entre os consumidores que voten as tapas, e consigan un mínimo de 6 selos, sortearanse máis de 23 premios tales como ceas, estancias, lotes de viño,… ademais dun primeiro premio que será unha ‘Estancia con experiencias nas Vilas Mariñeiras –Asturias e Cantabria–” para dúas persoas. www.villasmarineras.es

    A tapa que consiga unha puntuación media máis alta levará o ‘Premio á Mellor Tapa 2019’, que o ano pasado conseguiu a denominada Cañita Brava, elaborada por Mesón Fonte de Zeta.

    Os establecementos participantes nesta edición son os seguintes: A De Sabas, Agora De Nyx, Bar Elysées, Bar Kchote, Bar Xacoba, Bay One, Cafetería Anunciada, Camu Camu, Central , Park, Ecoadega, Estación Marítima Baiona, Jaqueyvi, La Crep, La Mini, La Taberna Del Pintor, Mesón Fidalgo, Olivando, Parador De Baiona, Pub Coctelería Bibendum, Queimada Gastrobar, Recuncho , Mariñeiro, Restaurante-Cafetería Monterrey e Tapería O Rincón.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.