7.4 C
Pontevedra
Sábado, 3 de Decembro de 2022
Máis
    HomeComarcasRedondelaRedondela inicia os trámites para o traslado de Servizos Sociais

    Redondela inicia os trámites para o traslado de Servizos Sociais

    O Concello de Redondela licita,esta semana,o contrato para a realización das obras de acondicionamento, tanto exterior como interior, do novo local que albergará a oficina municipal de Servizos Sociais e o servizo de Atención á Muller.

    O proxecto para o traslado destas dependencias, contaba co informe favorable dos servizos técnicos do Concello dende xuño de 2018 pero, sinala a alcaldesa Digna Rivas, “o Goberno do PP non priorizou a súa tramitación e, incomprensiblemente, o expediente levaba paralizado máis dun ano”.

    A alcaldesa redondelá cumpre, deste xeito, un dos seus compromisos electorais que era o traslado “urxente” dos Servizos Sociais a unhas instalacións “máis axeitadas, accesibles e nas que a privacidade dos usuarios e usuarias estea totalmente garantida”.

    En tan só dous meses de Goberno, o executivo local de Redondela conseguiu rematar o expediente de contratación polo que, en breve, comezarán as obras de acondicionamento interior e exterior do local situado na rúa 8 de Marzo (Regojo).

    As obras contan cunha subvención do 80 % do investimento a través do Programa Operativo FEDER, iniciativa que ten como obxectivo a procura dun desenvolvemento sustentable que promova a educación, o desenvolvemento económico e a inclusión do medio ambiente.

    Con esta obra, explica Digna Rivas, contribúese a acadar os obxectivos estratéxidos da EDUSI Redondela 2020, “Inclusión social e loita contra a pobreza”, con actuacións que terán por obxecto “mellorar os servizos de atención social ás familias en risco de exclusión social coa mellora das instalacións municipais, tanto de Servizos Sociais como do Centro da Atención á Muller”, apunta o Concello de Redondela.

    Digna Rivas adiantou que o Goberno que preside poñerá en marcha “todas as medidas precisas” que estean encamiñadas a mellorar a calidade de vida dos veciños e veciñas “e en especial a aquelas que, por diversas circunstancias económicas e sociais, máis o precisan”.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS