11.5 C
Pontevedra
Mércores, 14 de Abril de 2021
More
    HomeComarcasRedondelaO Concello de Redondela denuncia o “flagrante incumprimento” da Xunta de Galicia...

    O Concello de Redondela denuncia o “flagrante incumprimento” da Xunta de Galicia coa normativa lingüística

    A alcaldesa e concelleira de Normalización Lingüística, Digna Rivas, considera que o escrito oficial de 'O Teu Xacobeo' dirixido ao concello integramente en castelán, “amosa o desinterese da Xunta polo fomento do noso idioma”


    O escrito dirixido ao Concello de Redondela por parte novo responsable de planificación das iniciativas do programa ‘O Teu Xacobeo’, escrito integramente en castelán, foi considerado onte polo Goberno local como “unha clara mostra do incumprimento por parte da Xunta de Galicia da normativa lingüística” e lémbranlle “que a lingua oficial de comunicación é o galego”.

    Segundo o Estatuto de Galicia, sinala o executivo local, “o galego é a lingua propia de Galicia” e o seu fomento, como é lóxico, “corresponde ao Goberno galego, algo que, polo visto aínda non teñen claro”.

    A alcaldesa de Redondela e concelleira de Normalización Lingüística, Digna Rivas, sinala que denunciar este “desleixo por parte do executivo galego” é unha obriga por parte dun Concello que, como Redondela, “foi o primeiro de Galicia en ter Servizo de Normalización Lingüística e que, dende o principio, participou activamente no proceso de normalización do idioma galego”.

    A comunicación de ‘O Teu Xacobeo’, engade Rivas, “non fai máis que amosar, unha vez máis, o desinterese da Xunta no relativo á protección, fomento e dinamización lingüística”. “Non estaría de máis –engade a rexedora local– que o Goberno galego asumira a súa responsabilidade co que é un dos elementos sociais máis importantes do noso pobo e, seguramente, o principal produto cultural da nosa comunidade”.

    Digna Rivas finaliza salientando que “nos corresponde a nós, como administracións, cumprir coa normativa en materia lingüística e favorecer a normalización algo que, polo que parece, non teñen asumido dende o goberno autonómico”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS