16.8 C
Pontevedra
Mércores, 18 de Maio de 2022
Máis
    HomeComarcasRedondelaA Xunta anuncia a ampliación do IES Pedro Floriani de Redondela

    A Xunta anuncia a ampliación do IES Pedro Floriani de Redondela

    A delegada territorial en Vigo, Marta Fernández-Tapias, abordou nunha reunión coa alcaldesa Digna Rivas varias cuestións relacionadas co ámbito educativo

    A delegada territorial da Xunta de Galicia en Vigo, Marta Fernández-Tapias, acompañada polo xefe territorial da Consellería de Cultura, Educación e Universidade, César Pérez Ares, reuniuse hoxe coa alcaldesa de Redondela, Digna Rivas e co concelleiro Nacho González, coa que abordou varias cuestións relacionadas co ámbito educativo. A reunión fora pedida solicitada de xeito reiterado pola Alcaldía de Redondela dada a importancia dos temas a tratar.

    No decurso da reunión, Fernández-Tapias deulle conta á rexedora local da próxima licitación das obras de ampliación do IES Pedro Floriani que sumará catro novas aulas, dando resposta á demanda existente.

    Por outra banda, a representante autonómica confirmoulle o visto e prace da Xunta ao proxecto técnico do Concello para a instalación dunha pista de atletismo no IES San Simón, instalación pendente unicamente da firma dun convenio co departamento autonómico para a realización das obras, que serán asumidas, na súa totalidade, polo Concello de Redondela.

    En canto ao IES de Chapela, Fernández-Tapias trasladoulle que a primeira preocupación debería ser o impacto do ruído da AP-9 e a necesidade urxente de instalar pantallas acústicas que o mitiguen, extremo que lle corresponde ao Goberno central, tema sobre o que a alcaldesa de Redondela adiantoulle a delegada territorial que “non existe tal preocupación” dado o compromiso do Ministerio levar a cabo as adendas tanto no que fai referencia ás pantallas acústicas coma a reposición de viais. Nese sentido, cómpre salientar que ese tema foi tratado pola alcaldesa de Redondela na reunión mantida co secretario xeral de Infraestruturas, Servio Vázquez Torrón ao igual que o tiña feito con anterioridade en Madrid, xunto ao concelleiro Roberto Villar, no Ministerio de Transportes, Mobilidade e Axenda Urbana (Mitma).

    No que fai referencia ao CEIP Outeiro de Penas, a delegada territorial deulle conta a alcaldesa da autorización para a reposición das fiestras e, no CEP de Reboreda, confirmoulle que vénse de enviar 40.000 euros para reformas a criterio do centro e indicoulle que se valorará intervir nos falsos teitos e as luminarias no CEIP Alexandre Bóveda.

    Xa por último, sobre o arranxo da pista cuberta do CEIP de Cedeira, a delegada informou que está actuación queda pendente de que o Concello clarifique a situación urbanística do centro co obxectivo de garantir que o volume de edificabilidade se axusta a normativa e comprobar con Patrimonio que non estea afectado pola súa proximidade á igrexa.

    Digna Rivas, que cualificou a reunión de “fructífera”, agradeceu a boa disposición da Xunta de Galicia “e espera que o adiantado pola delegada territorial convértase nunha realidade á maior brevidade posible”.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS