A Antiga Escola de Tuimil do Vigo, Redondela, acollerá un curso de ‘Conservas Artesanais’ que se desenvolve a través do programa ‘Depo en Marcha’ 2019′ da Deputación de Pontevedra. A iniciativa, enfocada preferentemente a persoas maiores –o 70 % das prazas– comezará o día 23 de setembro e o prazo de inscrición estará aberto ata o 15 de setembro.
O curso de ‘Conservas Artesanais’ ten un custe de 6 € e unha duración de 30 horas lectivas impartíndose as clases os luns entre as 16:30 horas e as 18:30 horas. As prazas son limitadas e outórganse por estrita orde de inscrición, tendo preferencia os socios e socias da Sociedade Cultural do Viso.
Para a celebración do curso precisase un mínimo de 15 persoas. A inscrición pode realizarse no teléfono 656 938 058 –chamando polas tardes ou enviando un WhatsApp– ou tamén a través do enderezo de correo electrónico acsmviso@gmail.com.
Máis sobre o programa Depo en Marcha
Este programa ten por finalidade favorecer o envellecemento activo das persoas maiores da provincia de Pontevedra a través de distintos talleres que axuden a optimizar as oportunidades de saúde, participación e seguridade co fin de mellorar a súa calidade de vida.
Está dirixido a asociacións, federacións ou confederacións e fundacións que desenvolven diferentes actuacións e traballos no ámbito das persoas maiores.
