11 C
Pontevedra
Mércores, 8 de Decembro de 2021
Máis
    HomeComarcasRedondelaA exposición fotográfica 'As Mulleres da Illa' xa se pode visitar no...

    A exposición fotográfica ‘As Mulleres da Illa’ xa se pode visitar no paseo de Cesantes

    O traballo realizado polo Obradoiro de Estudos Locais Fernando Monroy, permitiu que a mostra conte coas fotografías de 9 mulleres máis que formaron parte da rede solidaria coñecida como 'as madiñas'.

    O paseo de Cesantes, coa Illa de San Simón como telón de fondo, acolle dende hoxe a exposición fotográfica ‘As Mulleres da Illa’, un recoñecemento público a todas mulleres que nos complexos e perigosos tempos da Guerra Civil e da posguerra, teceron unha rede solidaria capaz de levar esperanza aos presos políticos que agardaban, na illa, un futuro incerto.

    A alcaldesa Digna Rivas, acompañada por representantes do Obradoiro de Estudos Locais Fernando Monroy, presidiu o acto inaugural acompañada por concelleiras e concelleiros do grupo de Goberno e da Corporación Municipal. Realizábase, con este acto, a inauguración oficial da exposición inicialmente prevista para o 16 de abril –coincidindo coa apertura da mostra na Alameda Castelao– pero que tivo que se adiada polas malas condicións meteorolóxicas deses días.

    “A exposición tiña que vir necesariamente aquí, a Cesantes, coa Illa de San Simón á vista como recordatorio de tempos escuros que enmarcan a heroicidade destas mulleres ás que neste ano homenaxeamos”, afirmou a alcaldesa nas súas palabras.

    Riva agradeceu o “traballo incansable” do Obradoiro de Estudos Locais Fernando Monroy que permite “que hoxe, aquí en Cesantes, a exposición conte coas fotografías de nove mulleres máis que formaron das coñecidas como as madriñas, “mulleres que non só exercían de lavandeiras –afirmou a rexedora redondelá– senón que co risco que naqueles tempos supuña, servían de correos entre os presos políticos e as súas familias e facíanlles chegar roupa, medicinas e mesmo alimentos”.

    Foron heroínas –concluíu– “que achegaron esperanza aos presos sen pensar, nin tan sequera, no risco que iso supuña. Este recoñecemento é, polo tanto, unha obriga que tiñamos non só con elas, senón coas súas familias. E un xeito de dicirlles grazas”

    Trala apertura da exposición en Cesantes, mañá sábado, 17 de xullo e xa na propia Illa de San Simón, terá lugar o acto institucional de recoñecemento ao traballo destas mulleres. O acto desenvolverase pola tarde e no transcurso do mesmo intervirá Cecilia Orge para glosar e falar da historia das mulleres solidarias de San Simón; a presidenta da Deputación, Carmela Silva e a alcaldesa Digna Rivas. Ademais a música estará a cargo de Antía Muíño.

    As circunstancias da pandemia obrigaron a limitar a 200 persoas o número de participantes. Desta maneira poderán acudir apenas dúas persoas por familia, representantes dos colectivos que colaboraron na homenaxe e representantes de distintas institucións. O Concello de Redondela tamén convidou aos alcaldes e alcaldesas dos concellos limítrofes da Ría de Vigo, á Deputación de Pontevedra e á Xunta de Galicia.

    COLABORACIÓNS

    Diego Ameixeiras, «O cervo e a sombra»

    Diego Ameixeiras tennos afeitos a un tipo de escrita moi persoal e honesta, pero sempre intensa e emocionalmente arroutada. O seu novo traballo non fai máis que afondar nesta percepción e faino a través dese mundo que habita nos arrabaldes da sociedade, un escenario xa recorrente na súa narrativa.

    Treinta otoños tiene mi amor

    Último domingo del mes y cada vez más cerca de la Navidad, aunque en Vigo ya la tenemos muy presente desde hace una semana gracias a las más de diez millones de luces led que iluminan la ciudad.

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    7 POSTS0 COMMENTS
    Manrique Fernández
    50 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS