O pasado 16 de marzo daban comezo, en Salvaterra de Miño, as clases de defensa persoal feminina organizada polo Concello e que contan cunha enorme participación. Serán catro xornadas a través das que se darán ás participantes nocións básicas de como afrontar diversas situacións de risco, como resolvelas e actuar. Do mesmo xeito, ensinarase ás participantes como poñer en práctica métodos simples de defensa.
![](https://comarcasnarede.com/wp-content/uploads/2019/03/defensa_persoal_feminina_02-1024x568.jpg)
Estes cursos están orientados as mulleres, de xeito que poidan aprender unha serie de normas básicas de prevención e defensa ante posibles situacións que se poidan dar na vida real. Estas clases de hora e media están impartidas por Alfonso Longueira, profesor de Aikido.
![](https://comarcasnarede.com/wp-content/uploads/2019/03/defensa_persoal_feminina_01.jpg)