18.2 C
Pontevedra
Luns, 17 de Xuño de 2024
Máis
    HomeO CondadoSalvaterra de MiñoComenza a segunda fase de actuación no xacemento de Os Castros

    Comenza a segunda fase de actuación no xacemento de Os Castros

    A alcaldesa de Salvaterra de Miño, Marta Valcárcel, reuniuse co conselleiro de Educación e Cultura, Román Rodríguez, xunto ao arqueólogo Francisco Manuel Herves Raigoso para avanzar na segunda actuación no xacemento arqueolóxico de Os Castros, que se ubica entre as parroquias de Soutolobre e Lourido.

    Nesta segunda actuación, promovida polo Concello de Salvaterra, e que contará co apoio da Consellería de Educación e Cultura,  preténdese actuar nunha zona moi específica, onde se atopou unha cabaña castrexa que conta cunha estela con decoración antropomorfa e armas  de grande singularidade.

    Ademais, na reunión tamén se falou da colaboración da Consellería na rehabilitación integral dunha edificación singular para servizos complementarios que o Concello ven de adquirir dentro do Recinto Amurallado de Salvaterra.

    Con esta actuación, o Concello pretende seguir avanzando na posta en valor do seu patrimonio histórico e cultural, traballando no acondicionamento dos inmobles singulares que se encontran dentro do recinto da muralla, declarado BIC.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.