15 C
Pontevedra
Martes, 23 de Abril de 2024
Máis
    HomeLouriñaSalceda de CaselasAs alcaldesas de Salceda e Salvaterra piden á Xunta a creación duna...

    As alcaldesas de Salceda e Salvaterra piden á Xunta a creación duna praza de pediatría compartida para atender a ámbolos dous concellos

    As acaldesas de Salceda de Caselas, Loli Castiñeira e Salvaterra de Miño, Marta Valcárcel, veñen de remitir unha solicitude conxunta á Consellería de Sanidade da Xunta de Galicia, na que se pide a creación “dunha nova praza de pediatría compartida” entre os dous concellos “e a dotación do mencionado persoal de xeito urxente”.

    No seu escrito, as rexedoras locais lembran que tanto Salceda de Caselas coma Salvaterra de Miño “veñen experimentando nos últimos anos unhas elevadas taxas de nacementos, que os sitúan nunha media de 100 nacementos por ano”.

    Marta Valcárcel e Loli Castiñeira continúan explicando que, nestes momentos, os centros de saúde dos dous concellos “contan con cadansúa pediatrar que atende a 1.300 nenos e nenas no caso de Salceda e 1.070 no caso de Salvaterra”. Esas cifras conlevan períodos de colapso que “se solventan unicamente coa boa disposición das profesioinais” aclaran as rexedoras locais, pero en moitas ocasións “non garanten a atención de calidade que precisan os nosos nenos e nenas”, apuntan as dúas alcaldesas.

    Ese incremento continuado de poboación ano tras ano fai que ámbalas dúas acaldesas coincidan “na necesidade de contar cunha nova praza de pediatría”. Dada a proximidade dos dous concellos “dita praza podería ser de xeito compartido, diminuíndo deste xeito os actuais cupos de atención que fan que, en moitas ocasións, as pediatras véxanse desbordadas e máis en situacións de pandemia como a que estamos a vivir neste momentos”, explican Valcárcel e Castiñeira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.