21.5 C
Pontevedra
Venres, 19 de Abril de 2024
Máis
    HomeO CondadoPonteareasSae a licitación para a rehabilitación do Centro Cívico da Praza Maior...

    Sae a licitación para a rehabilitación do Centro Cívico da Praza Maior de Ponteareas

    Ponteareas avanza na creación do futuro Centro Cívico na Praza Maior, un espazo rehabilitado que porá a disposición de tecido asociativo e veciñanza máis de 900 metros cadrados para servizos municipais e actividades sociais. O Concello acaba de sacar a licitación esta obra que, como sinala a alcaldesa, Cristina Fernández Davila, “permitirá dinamizar a Praza Maior e a súa contorna, favorecendo a revitalización urbana e comercial do centro histórico e ofrecendo ás e aos ponteareáns un espazo único no centro da vila”.

    “Traballamos para mellorar a calidade de vida dos nosos veciños e veciñas, tamén a través deste proxecto innovador para poñer en marcha novos equipamentos públicos no corazón de Ponteareas, unha ferramenta verdadeiramente importante para a cohesión social dunha vila como a nosa. Unha dotación de servizos básicos e equipamentos para a veciñanza que ten especial relevancia na contorna na que vai nacer este novo Centro Cívico, cun alto número de edificacións desocupadas ou nun estado deteriorado que queremos recuperar”, destaca a rexedora.

    As obras contemplan os traballos de rehabilitación do edificio, que contará con espazos para servizos municipais e actividades sociais, como zonas para a mocidade, salas de reunións, espazos para obradoiros e cursos, servizo de atención temperá ou unha oficina de información. O proxecto de obra inclúe un estudo de accesibilidade elaborado en colaboración con COGAMI para adecuar ás instalacións á realidade de persoas con mobilidade reducida. Ademais, o Concello está a traballar tamén co tecido asociativo así como co Consello da Infancia e Adolescencia para definir o destino das instalacións e axeitalo ás necesidade reais de Ponteareas.

    A través deste proxecto o Goberno municipal do BNG-PSOE rehabilitará un edificio do centro histórico para “poñer en marcha servizos ata agora inexistentes, o que permitirá dinamizar a zona vella, tanto na contorna da Praza Maior como nas principais rúas que conectan con ela. Iso implicará ademais ampliar os usos comerciais e de servizos máis alá do uso hostaleiro actualmente predominante nesta praza”, explica a segunda tenente de alcaldesa, Chus Garrote.

    A licitación sae por un importe de máis dun millón de euros. O Fondo Europeo de Desenvolvemento Rexional (FEDER) a través do programa EDUSI ‘Ponteareas, Hábitat Saudábel’ cofinanciará a actuación con 633.000 euros, mentres que o Concello achegará máis de 400.000 euros a través de fondos propios, dos que 243.000 corresponden ao Plan Concellos  2023 da Deputación de Pontevedra.

    As entidades ou persoas interesadas poderán presentar as súas ofertas ata o vindeiro 23 de novembro ás 23.59 horas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.