18.2 C
Pontevedra
Luns, 17 de Xuño de 2024
Máis
    HomeO CondadoPonteareasPonteareas pecha as Festas de Setembro cos tradicionais Globos de San Miguel

    Ponteareas pecha as Festas de Setembro cos tradicionais Globos de San Miguel

    Os tradicionais globos de San Miguel chegarán á praza da igrexa este domingo día 29 ás 13:30 horas para poñer fin ao programa das Festas de Setembro. Serán seis globos deseñados por Vicky Amoedo e Enrique González e realizados de xeito artesán polas traballadoras da biblioteca e da oficina de Turismo que contaron co apoio de Liliana Valencia e Enrique González.

    Dende o centro da praza da igrexa estes seis globos surcarán o ceo da comarca para transmitir unha tradición que chega cada ano co peche das festas de setembro. O concelleiro de Cultura e Lingua, Fernando Groba, agradeceu “o intenso traballo realizado por todos e todas na confección destes delicados globos”.

    Son moitas as xornadas dedicadas a dar forma con papel de seda de cores a estas seis xoias que serán descobertas despois do concerto da Banda de Música Unión de Guláns ás 11 diante do Casa do Concello.

    Ás 19:30 horas a sala multiusos do auditorio municipal acollerá o concerto de folclore arxentino con Casiana Torres. As orquestras porán ritmo á xornada do domingo a partir das 21 horas na praza Bugallal con Orquestra Suavecito e ás 22:30 horas coa orquestra Cinema.

    O luns 30 de setembro, festividade local, as rúas do centro urbano serán da infancia e a partir das 18 horas haberá animación infantil con Benito e Rufina. Ás 20:30 horas os Festicultores Troupe actuarán nas rúas do centro urbano e ás 22:30 horas pechará as festas a orquestra La Fórmula.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.