15.5 C
Pontevedra
Sábado, 22 de Xuño de 2024
Máis
    HomeO CondadoPonteareasPonteareas, no noveno seminario sobre compostaxe doméstica e comunitaria

    Ponteareas, no noveno seminario sobre compostaxe doméstica e comunitaria

    A concelleira de Medio Ambiente, Rosa Covelo, coñece os últimos proxectos de innovación en materia de compostaxe

    A concelleira de Medio Ambiente do Concello de Ponteareas, Rosa Covelo, participou nestes días no noveno seminario sobre compostaxe doméstico e comunitario que se celebra en Valladolid e no que a vila do Tea participa co obxectivo de acadar “unha vila o máis sustentable posible e ir mellorando as ferramentas que se comparten coa cidadanía para conseguilo”.

    Esta novena edición céntrase na xestión da materia orgánica no mundo rural, analizando os pasos que están dando as administracións estatais e autonómicas neste senso e profundizar nas investigacións que se están realizando na actualidade e adentrarse en proxectos de innovación.

    Rosa Covelo tamén participou nas visitas técnicas co obxectivo de recoller toda a información posible para aplicalas a futuras accións relacionadas coa compostaxe no noso concello.

    A concelleira salienta a importancia da separación de residuos no fogar “que é o primeiro paso e que so depende de nós, sen isto non se pode acadar o obxectivo final”.

    “O que intentamos conseguir e que coa fase 1, na que xa estamos coas composteiras implantadas no centro urbano, elimínense os restos orgánicos do contedor verde levándoos á composteira coa que conseguimos un bo compost que volve á terra e completa o ciclo” explica Rosa Covelo.

    Covelo insiste na importancia da acción individual e “da responsabilidade que temos todos e todas a diario”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.