18.2 C
Pontevedra
Luns, 17 de Xuño de 2024
Máis
    HomeO CondadoPonteareasPonteareas adxudica as obras de mellora da eficiencia enerxética do Conservatorio

    Ponteareas adxudica as obras de mellora da eficiencia enerxética do Conservatorio

    As obras, que contarán cun investimento superior aos 370.000 euros, non prexudicarán o desenvolvento das clases ao realizarse fora dos horarios lectivos

    As Concellerías de Ensino e Vías e Obras do Concello de Ponteareas que dirixen a tenente de alcalde Cristina Fernández e Chus Garrote, respectivamente, deron conta da adxudicación das obras de mellora da eficiencia enerxética do Conservatorio Municipal, que serán realizadas por unha empresa local, por 371.370,27€ (IVE incluído) a través dun concurso público aberto para garantir a igualdade de oportunidades. Nesta adxudicación o Concello conseguíu un aforro de 19.545,81 € respecto ao valor de licitación.

    Cristina Fernández mantivo un encontro coa empresa adxudicataria para establecer os horarios de realización dos traballos co obxectivo de non entorpecer a actividade lectiva e de interrumpir o menos posible ás máis de 200 familias usuarias e ao equipo docente. De feito que este xa era un dos aspectos que se valoraron á hora da adxudicación.

    A empresa construtora adiantou que as obras serán realizadas en horario de mañá e se fose preciso tamén nas fins de semana e festivos para que o conservatorio municipal abra as súas portas con normalidade cada tarde de luns a venres.

    O proxecto enmárcase dentro da estratexia ‘Ponteareas, hábitat saudable’ que conta co apoio da Unión Europea a través dos fondos de Desenvolvemento Rexional.

    Pola súa banda, Chus Garrote, concelleira de Vías e Obras, sinalou que o proxecto “inclúe o cambio completo da cuberta, a substitución de ventanais e luminarias, a insonorización dalgunhas aulas, arranxos e impermeabilización das paredes exteriores, entre outras accións que repercutirán no aforro enerxético, en dar un paso máis na contribución da protección medio ambiental e que suporán ofrecer á comunidade educativa un espazo de maior comodidade e calidade”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.