13.7 C
Pontevedra
Mércores, 22 de Maio de 2024
Máis
    HomeO CondadoPonteareasOs viais das parroquias ponteareás de Fozara e Paredes serán obxecto de...

    Os viais das parroquias ponteareás de Fozara e Paredes serán obxecto de obras de mellora

    A Concellería de Vías e Obras destina máis de 114.944,51 euros para a mellora dos viais que comunican ámbalas dúas parroquias

    A Concellería de Vías e Obras do Concello de Ponteareas, dirixida pola socialista Chus Garrote, continúa a traballar na mellora das condicións dos viais das parroquias para mellorar as súas condicións de seguridade e mellorar a mobilidade das veciñas e veciños.

    Así, hai tres semanas adxudicouse e formalizouse un contrato dividido en dous lotes. Un deles para a mellora de accesos no lugar de o Toucedo en Paredes, e o segundo para a pavimentación do camiño municipal no barrio de Outeiro de Castro en Fozara.

    Á licitación levouse a cabo mediante o procedemento de contratación aberto simplificado con oferta integradora, e para cada un dos lotes presentáronse un total de once empresas. O lote un foi adxudicado á empresa Narom S.L. e o lote dous á empresa Asfalgal técniccas viarias S.L. Os importes de adxudicación dos lotes acadaron as cuantías de 60.962,79 euros e 53.981,72 euros respectivamente.

    A financiación da obra divídese en tres partes. Para o lote un a financiación é do 100% pola Deputación de Pontevedra a través do Plan Concellos 2020 e para o lote dous o 80% o financia a Axencia Galega de Desenvolvemento Rural a través do Plan Marco de mellora de camiños municipais de acceso a parcelas agrícolas 2020-2021 e o 20% restante finánciase con fondos propios do Concello.

    A concelleira de Vías e Obras sinala a “importancia de investir no rural para mellorar as comunicacións dos veciños e veciñas e que poidan ter así acceso a distintos servizos públicos de primeira necesidade”.

    As obras, que incluíron a limpeza de cunetas e a nova capa de rodadura, están a piques de rematar e, tanto para o vial de Paredes coma para o vial de Fozara, ampliouse o prazo de garantía ata 60 meses.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.