O Partido Socialista de Ponteareas asegurou ter recibido por correo electrónico unha “carta ameazadora” asinada polo voceiro da Plataforma da Nacional 120. Segundo o PSOE ponteareán, “son moitas as ocasións en que o Partido Socialista e, en concreto, a súa portavoz Chus Garrote, ten que soportar insultos, amenazas e improperios por parte desta persoa e doutros membros da directiva da Plataforma”.
A situación a que se refire o comunicado do PSdeG-PSOE de Ponteareas tivo o seu máximo expoñente onte cando recibiron vía correo electrónico “unha vez máis e cunha actitude violenta impropia de calquera que presume ser voceiro dos veciños de tres parroquias cando non foi elexido por ninguén”, unha acusación que os e as socialistas cualidifan de “falsidade” con respecto ao tratado no Pleno Municipal do pasado martes 25 de xaneiro.
Dende o Partido Socialista denuncian públicamente que a persoa “que presume ser voceiro dos veciños e veciñas de tres parroquias de Ponteareas fai seguidismo do descurso do PP e amósase incapaz de recoñecer os avances que se teñen feito dende a chegada dos socialistas ao Goberno de España”.
Esta persoa, continúa o escrito socialista, “leva 6 anos facéndolle o xogo sucio ao PP e aproveitando a máis mínima ocasión para cargar contra o Partido Socialista”. “É imposible entablar un diálogo sensato e constructivo con quen está instalado na negación absoluta aos avances producidos”, afirma o PSOE.
“Non podemos consentir nin unha falta de respecto máis. Non imos ser actores pasivos dunha actitude violenta que en nada beneficia aos veciños e veciñas da nosa vila”, afirman para continuar sinalando que “é inaceptable que anuncie a bombo e platillo que o Partido Socialista é culpable das mortes producidas na Nacional 120”.
Por todo o exposto o Partido Socialista asegura que non recoñecereá a esa persoa “como voceiro da Plataforma e se os demáis membros da Plataforma continúan apoiándoo deixaremos tamén de recoñecer a Plataforma como interlocutora válida xa que demostrarían así ser un arma política do Partido Popular”.
