13.7 C
Pontevedra
Mércores, 22 de Maio de 2024
Máis
    HomeO CondadoPonteareasO PSdeG de Ponteareas denuncia o lamentable estado de abandono da estación...

    O PSdeG de Ponteareas denuncia o lamentable estado de abandono da estación de autobuses de Ponteareas por parte da Xunta

    "A Xunta de Galicia abandonou por completo as instalacións, chegando a pechar o edificio e deixando, unicamente habilitada, a plataforma", afirma o secretario xeral dos socialistas ponteareáns, Delfín Domínguez Cerdeira

    O secretario xeral do PSdeG-PSOE de Ponteareas, Delfín Domínguez, denunciou hoxe o estado actual de abandono da estación de autobuses de Ponteareas por parte da Xunta de Galicia. Domínguez visitou onte as instalacións para comprobar in situ o estado das instalacións. “O edificio estaba pechado, como sucede en moitas ocasións a pesar da afluencia de usuarios”.

    “Os usuarios remitíronnos numerosas queixas polo estado de abandono das instalacións. Os baños están sucios e completamente abandonados, o interior da estación está cheo de pintadas, algúns cristais das portas están rotos e tapados con cartóns”, explicou o secretario xeral dos socialistas ponteareáns.

    Lembra Delfín Domínguez que a estación “foi transferida á Xunta en maio, e o único que foi é a peor” polo que esixen á Xunta de Galicia e a Dirección Xeral de Mobilidade “que arranxen as instalacións, as manteñan e as poñan a disposición dos usuarios.”

    “É indecente e intolerable que a Xunta de Galicia siga con esta política de abandono, e de oposición permanente, a aqueles concellos que non son da súa cor política”, remata Domínguez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.