17.7 C
Pontevedra
Xoves, 23 de Maio de 2024
Máis
    HomeO CondadoPonteareasO Concello de Ponteareas felicita á Agrupación Folklórica Algazara polo seu premio...

    O Concello de Ponteareas felicita á Agrupación Folklórica Algazara polo seu premio á dinamización rural

    O GDR Condado Paradanta recoñeceu o seu labor de formación pola conservación e a difusión da cultura e tradicións galegas

    O Concello de Ponteareas quere dar os parabéns á Agrupación Folklórica Algazara polo seu merecido premio na II Gala dos Premios ao Dinamizador Rural que organiza o GDR Condado Paradanta. A formación recibiu un recoñecemento polo seu labor de conservación e de difusión da cultura e tradicións galegas na comarca.

    O concelleiro de Cultura, Fernando Groba, afirma que este recoñecemento “é moi merecido” e destaca “o gran valor para Ponteareas e tamén para Galicia do traballo incansable da Agrupación Folklórica Algazara para pór en valor a nosa cultura e a nosa tradición”. O edil tamén quere lembrar que o Concello de Ponteareas estará da súa man para calquera proxecto que queiran sacar adiante.

    Fernando Groba tamén quere dar os parabéns á Asociación Cultural Irmáns Barcia, finalista dos premios, “e outro exemplo de boa xestión e loita pola difusión da nosa cultura e tradición”.

    A Agrupación Folklórica Algazara afirmou que este recoñecemento supón “un alento para continuar co noso proxecto en tempos, nos que o traballo a prol da conservación e difusión da nosa cultura e tradicións atopa atrancos a cada paso”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.