7.9 C
Pontevedra
Venres, 29 de Marzo de 2024
Máis
    HomeO CondadoPonteareasO Concello amplía a cita previa telefónica e por internet ao...

    O Concello amplía a cita previa telefónica e por internet ao servizo de renovación do DNI

    O sistema de cita previa na Oficina de Estatística e Padrón atendeu a 3.729 persoas en menos de sete meses

    O Concello de Ponteareas ampliou o sistema de cita previa telefónica e por internet ao servizo de renovación do DNI que presta a Policía Nacional na Casa do Concello cada dous meses. Este sistema de atención cidadá súmase ao de Estatística e Padrón onde se implantou no mes de agosto do pasado ano. Segundo Roberto Mera, concelleiro de Bo Goberno, Transparencia e Participación Cidadá, onde se inclúe a competencia en materia de información cidadá, “a mellora e modernización da atención cidadá é un dos principais obxectivos do actual mandato”. Mera lembrou que tralo remate da corentena, o pasado ano, o Concello creou a Oficina de Información e Atención Cidadá, atendida por dúas traballadoras que se ocupan da información telefónica así como presencial na propia Casa do Concello, á que se suma a atención telefónica e presencial no acceso ao Centro de Servizos Sociais.

    As citas para a renovación do DNI víñanse dando até agora na Oficina da Policía Local. O servizo de renovación préstase cada dous meses ofrecéndose un total de 70 citas, que resultan claramente insuficientes para a demanda existente. “No mes de febreiro, as 70 citas esgotáronse en poucas horas unha vez se abríu o prazo para solicitalas e outras 70 persoas quedáronse sen posibilidade de facer a renovación do DNI nese mes. Por iso dende a Alcaldía estase xestionando coa Subdelegación do Goberno que o servizo se preste mensualmente en lugar de cada dous meses”, explicou Mera.

    Case 4.000 persoas atendidas con cita previa en Estatística e Padrón en sete meses

    En canto á Oficina de Estatística e Padrón “o balance destes primeiros sete meses é moi satisfactorio” segundo o Concelleiro de Bo Goberno. “Antes non se daban citas previas, co cal a xente probaba sorte, acudía á oficina e tiña que facer cola. Co sistema actual estase atendendo con puntualidade ás persoas usuarias que acuden coa cita previa e non teñen apenas que agardar”. En sete meses déronse un total de 3.729 citas, das que o 68% foron telefonicamente e o 32% por internet. Tan só 390 non acudiron á cita solicitada, o que representa pouco máis do 10%.

    Para acceder telefonicamente ao sistema de cita previa o Concello conta co número 886405106. Para facelo a través de internet a persoa interesada debe acceder á web do Concello e entrar na pestaña de “atención e información cidadá”. Ademais o sistema envía un recordatorio por SMS á persoa usuaria 24 horas antes da hora fixada para a cita.

    A implantación dos sistemas de cita previa foi supervisada pola Oficina de Innovación do Concello de Ponteareas, que dirixe o concelleiro socialista, Benito Márquez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.