19 C
Pontevedra
Luns, 15 de Abril de 2024
Máis
    HomeO CondadoPonteareasLuz verde de Patrimonio á rehabilitación do edificio para o Centro de...

    Luz verde de Patrimonio á rehabilitación do edificio para o Centro de Dinamización Empresarial de Ponteareas

    O recoñecido arquitecto Jesús Irisarri deseñará este espazo baixo as premisas do estudo de dinamización empresarial e impulso do emprendemento de Ponteareas

    “Patrimonio autoriza as obras do Centro de Dinamización Empresarial, que se realizará baixo a dirección do premiado arquitecto Jesús Irisarri seguindo as directrices do estudo de dinamización empresarial e impulso económico” anunciou hoxe a concelleira de Promoción Económica do Concello de Ponteareas, Eva Gil, quen subliñou que este será “o primeiro espazo municipal que ofreza un smartlab, un viveiro de empresas e posibilite o coworking, entre outras actividades encamiñadas a facer máis competitivo o noso tecido empresarial”.

    O Goberno de Ponteareas activa, con esta inciativa, un novo apoio ao sector empresarial e adiantou que se procederá á contratación da redacción do proxecto de execución do Centro de Dinamización Empresarial, que estará situado nos dous andares que o Concello ten no coñecido como edificio da Seguridade Social e que ofrecerá un importante servizo para o desenvolvemento de iniciativas empresariais.

    A rehabilitación deste espazo enmárcase dentro da estratexia de crecemento ‘Ponteareas, hábitat saudábel’ e conta co apoio dos Fondos de Desenvolvemento Rexional (FEDER) da Unión Europea co obxectivo de revitalizar a economía local e orientarse cara actividades de produción e comercio sostíbel.

    Previamente, e dentro da liña de traballo planificado marcada polo goberno local, realizouse un estudo de dinamización empresarial e impulso do emprendemento en Ponteareas, que analizou e avaliou as carencias e fortalezas marcando as liñas de necesidades de servizos e espazos que este sector precisa.

    Recoñecido con importantes premios de nivel internacional, Jesús Irisarri seguirá estas premisas para acondicionar máis de 320 metros cadrados, onde as persoas emprendedoras e as pequenas empresas atoparán un espazo tecnoloxicamente eficiente para poder desenvolver o seu traballo.

    Pola súa banda a concelleira de Formación e Emprego, Vanesa Fernández, apuntou que o edificio “tamén acollerá o servizo de asesoramento cualificado en materia das TIC (tecnoloxías da información e comunicación) destinado a persoas e micropemes ofrecido pola Deputación e que, actualmente, se localiza no Centro de Desenvolvemento Local (CDL)”.

    A maiores, o proxecto contemplará un espazo móbil que se localizará no exterior do edificio, converténdose nun espazo público vinculado ao centro de dinamización empresarial, que permita xerar dinámicas participativas na rúa. Facilitará a celebración de conferencias, charlas, talleres, exposicións, debates ou proxección de películas.

    Con esta iniciativa o Goberno materializa ademais un dos obxectivos enmarcados na estratexia de obter infraestruturas que permitan desenvolver novas iniciativas e servizos demandados pola veciñanza. “O primeiro Centro de Dinamización Empresarial supón un apoio imprescindíbel para o traballo colaborativo, para fornecer o tecido actual e para lanzar novas pequenas empresas que poidan atopar un espazo estratexicamente situado que os conecte con todos os servizos”, explica Eva Gil.

    A concelleira de Promoción Económica engade que este servizo chega, ademais, nun momento, no que se precisa máis que nunca o uso das novas tecnoloxías e o apoio firme das administracións para fomentar os valores locais relanzándoos cara o exterior.

    A adquisición deste estratéxico espazo no epicentro do centro urbano supuxo dotar ao concello de patrimonio para ofrecer novos servizos á cidadanía, pero tamén unha contribución á reactivación do casco antigo da vila.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.