22.8 C
Pontevedra
Martes, 4 de Outubro de 2022
Máis
    HomeO CondadoPonteareasA nova depuradora de Ponteareas, a un paso de ser realidade

    A nova depuradora de Ponteareas, a un paso de ser realidade

    A nova depuradora de Ponteareas está a un paso de converterse en realidade. O Concello aprobará o vindeiro martes 28 en pleno o convenio de colaboración coa Xunta de Galicia e o Estado que permitirá levar a cabo as obras de ampliación e reforma da estación depuradora de augas residuais da Moscadeira, dando así solución a un dos problemas históricos máis graves da vila, a contaminación do Tea e a falta de saneamento no rural.

    “Con este investimento poderemos acabar por fin cun problema que vén arrastrando a vila dende hai máis de 25 anos, cando entrou en funcionamento a actual depuradora sen capacidade para tratar o caudal que recibía xa daquela, provocando dende o inicio verteduras ao río Tea e as súas consecuentes sancións”, salientou a alcaldesa de Ponteareas, Cristina Fernández Davila, que recalcou tamén que as obras na EDAR serán ademais “imprescindíbeis para poder ampliar o saneamento nas parroquias que carecen del, cunha repercusión moi positiva non soamente para a veciñanza, senón tamén para o medio ambiente”.

    O convenio contempla un investimento de 11,7 millóns de euros para a execución e explotación destas actuacións de saneamento e depuración, financiados ao 50% polo Estado con fondos europeos, ao 30% polo Concello e ao 20% pola Xunta. Segundo recolle o acordo, a ampliación da depuradora e dos colectores xerais de nova creación que rodearán o casco urbano deberan estar rematados en 2023.

    Xunto coa ampliación e reforma da EDAR da Moscadeira, as obras contemplan a mellora do saneamento, reducindo as filtracións e separando as augas procedentes da choiva que ata o de agora aumentaban o caudal que recibía a depuradora.

    Isto suporá un antes e despois para o sistema de saneamento ponteareá, deseñado para pouco máis de 10.000 habitantes e que na actualidade recibe o equivalente a 16.000, traballando por enriba da súa capacidade e provocando verteduras ao río. Coa execución destas obras ampliarase a capacidade de tratamento a 20.000 habitantes, que permitirá rematar cos vertidos e sancións e ampliar a rede de saneamento a máis parroquias.

    O Goberno municipal está traballando de xeito paralelo no proxecto de nova depuradora para atender as necesidades de saneamento das parroquias situadas na cunca do río Uma, que tecnicamente non poden empregar a depuradora da Moscadeira.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS