21.5 C
Pontevedra
Venres, 19 de Abril de 2024
Máis
    HomeO CondadoAs NevesO Goberno das Neves proporá ao Pleno instar a Abanca para que...

    O Goberno das Neves proporá ao Pleno instar a Abanca para que deixe de cobrar comisións abusivas

    O Goberno local das Neves levará ao Pleno da Corporación do vindeiro martes, unha proposta de acordo instando a Abanca a que elimine as comisións abusivas e que devolva as xa cobradas. Ademais, o Goberno municipal, integrado polo Bloque Nacionalista Galego (BNG) e o Partido dos Socialistas de Galicia (PSdG-PSOE), fará extensiva esta solicitude a todas as entidades bancarias que operan nas Neves.

    Afectou a pensionistas, autónomos e traballadores en situación de ERTE

    Dende o Goberno nevense sinálase que nos últimos días, Abanca efectuou o cobro de 50 € en concepto de comisión semestral de mantemento aos seus usuarios e usuarias que afectou, fundamentalmente, a pensionistas, persoas autónomas e persoas traballadoras, moitas delas en situación de ERTE.

    Así mesmo, lembra que esta entidade privada declarou uns beneficios de arredor de 405 millóns de euros en 2019, ao que contribuíron, en parte, comisións como as que veñen de cobrar estes días. Isto, logo de ter sido rescatada con 9.000 millóns de fondos públicos e malvendida a unha empresa estranxeira.

    O Goberno Municipal rexeita o cobro destas comisións, considera que son abusivas e que afectan directamente á economía da maioría social da poboación, especialmente, nun momento tan delicado como o actual, no que xa se están a sufrir as consecuencias derivadas da crise da pandemia da Covid-19.

    As entidades financieiras deben apoiar o tecido produtivo

    Á vista desta situación, entende que todas as entidades financeiras deben poñerse, máis que nunca, á disposición das persoas, fomentando iniciativas de emprendemento, apoiando o tecido produtivo e evitando cobros de calquera tipo de comisión abusiva aos seus usuarios e usuarias, especialmente, ás máis vulnerables.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.