16 C
Pontevedra
Martes, 21 de Maio de 2024
Máis
    HomeO CondadoAs NevesO GDR ‘Terra e Auga’ e a EFA A Cancela das Neves...

    O GDR ‘Terra e Auga’ e a EFA A Cancela das Neves asinan un convenio dentro do proxecto Aula-Empresa

    O alumnado do ciclo medio de Xestión Administrativa coñecerá o traballo diario do GDR Terra e Auga

    Facer produtivas as sinerxias, aliarse para potenciar os recursos do territorio e dinamizar socioeconómicamente os dez concellos do GDR Terra e Auga son algúns dos principios que respaldan o día a día do Grupo de Desenvolvemento Rural Terra e Auga.

    Nesta liña de traballo, o presidente do GDR Terra e Auga, Pablo Castillo, e a presidenta da EFA A Cancela, María del Carmen Gil, veñen de asinar un convenio de colaboración dentro do proxecto Aula-Empresa.

    O presidente do GDR Terra e Auga, Pablo Castillo, e a presidenta da EFA A Cancela, María del Carmen Gil, na sinatura do convenio de colaboración

    Baixo este programa o alumnado da EFA A Cancela, localizada nas Neves, coñece o traballo diario de distintas empresas, entidades e organizacións dos dez concellos, A Cañiza, As Neves, Arbo, Covelo, Crecente, Mondariz, Mondariz Balneario, Ponteareas, Salceda de Caselas e Salvaterra de Miño.

    Grazas a esta alianza o alumnado do ciclo de Formación Profesional de Administración achegarase ao funcionamento do GDR Terra e Auga e ao longo dunha semana por trimestre e poderá coñecer a metodoloxía de traballo, aprender novos conceptos, tramitación e a xestión dun grupo de desenvolvemento rural e a potencialidade conxunta dos concellos do grupo.

    Esta iniciativa permite ademais que as e os estudantes do territorio se acheguen a un organismo de carácter supramunicipal que aborda liñas de traballo e perspectivas globais capaces de conectar e coordinar a emprendedores, empresas, actores sociais, culturais, artísticos, agrarios e medioambientais, entre outros, a través dun exercicio diario de cooperación e coordinación.

    O alumnado da EFA A Cancela completará a súa formación colaborando no traballo en equipo que supón a xestión do GDR Terra e Auga ao tempo que “nos enriquecerá coa súa aportación e coñecementos”, matiza o presidente do GDR Terra e Auga, PabloCastillo, “sendo a mocidade un público co que queremos traballar e que sempre temos presente no deseño das nosas accións porque son o futuro e as persoas que deben coñecer e formarse para apostar polo noso territorio”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.