12.5 C
Pontevedra
Domingo, 5 de Febreiro de 2023
Máis
    HomeLouriñaO PorriñoPreto dun milleiro de participantes nas probas 'Xarotos' e 'Challenge Rías Baixas'...

    Preto dun milleiro de participantes nas probas ‘Xarotos’ e ‘Challenge Rías Baixas’ do Porriño

    A vila do Porriño converterase na capital do ciclismo pontevedrés durante as vindeiras semanas ao reunir a preto dun milleiro de participantes nas probas que organiza o club ciclista Master da Louriña. Unha de elas, a Xarotos Gran Fondo co patrocinio do Concello de Porriño e Deputación Provincial, defínese como “proba ciclodeportiva” que se disputará o domingo 12 de maio.

    Para a Xarotos agárdanse más de 500 ciclistas, segundo estimación dos organizadores. Na categoría absoluta disputarase sobre unha lonxitude de 130 quilómetros dos que 83 serán cronometrados. Tamén haberá outras dúas probas complementarias de medio fondo e mini fondo sobre distancias de de 95 km e 71 km, respectivamente. A saída será dende a praza do Concello de Porriño e o percorrido de cada unha das tres modalidades será neutralizado nos primeiros 19 km de cada opción e os últimos 28 km serán sen cronometraxe.

    O outro evento organizado por Master da Louriña é a Challenge Rias Baixas que cumprirá a súa terceira edición. Tratase dunha proba para categorías xuvenil e máster homologada pola Federación Galega, conta cos patrocinios dos Concellos de Porriño, Mos e Ponteareas e terá lugar o fin de semana do 22 e 23 de xuño.

    “Ambas competicións mobilizarán en total un milleiro de ciclistas de Galicia, Asturias, Castela e Norte de Portugal que converterán O Porriño no epicentro destes eventos que dende a Federación Galega de Ciclismo valoramos moitísimo e agradecemos a colaboración dos concellos pola súia sensibilidade cara ao noso deporte”, sinalou Juan Carlos Muñíz, presidente federativo.

    A alcaldesa do Porriño, Eva García de la Torre, manifestou a súa satisfacción “polo movemento económico, a dinamización social e o ambiente que suporán estas probas para a hostalería e comercio do Porriño” que ademais “volve a reivindicase como O Concello do Deporte”.

    Na presentación das probas tamén estiveron presentes a concelleira de Turismo de Mos, Sara Cebreiro; o concelleiro de Deportes de Ponteareas, Benito Márquez, e o ciclista profesional Gustavo Rodríguez, excorredor do equipo galego Xacobeo e hoxe en día adicado ó tríatlon. Está piques de participar o vindeiro sábado no Mundial de Tríatlon de Longa Distancia que se celebrará en Pontevedra. A organización das probas decidiu render unha homenaxe a Gustavo quen recibiu de mans do presidente do club Master da Louriña, Juan José Álvarez Cerdeira, un maillot especial e anunciou que será o anfitrión e referente destes eventos.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS