11.8 C
Pontevedra
Venres, 21 de Xuño de 2024
Máis
    HomeBaixo MiñoTuiA Deputación abre este luns a nova oficina provisional do ORAL en...

    A Deputación abre este luns a nova oficina provisional do ORAL en Tui

    As instalacións cedidas polo Concello veñen dar unha solución transitoria despois do obrigado peche de urxencia, a causa das graves deficiencias estruturais nos locais adquiridos pola Deputación en 2003 ao conselleiro do PP de entón, Diz Guedes

    As oficinas provisionais de atención ao público do Organismo de Recadación Local (ORAL) da Deputación en Tui abren este luns gracias á colaboración do Concello, que cedeu un local no Edificio Área Panorámica, na rúa Colón. As oficinas veñen dar unha solución provisional de urxencia tralo obrigado peche, a causa das moitas deficiencias das instalacións actuais.

    A Deputación de Pontevedra agradece ao Concello de Tui a súa colaboración e, ao tempo, traballa xa para pechar o aluguer dun novo local que dea unha solución estable na atención á veciñanza de Tui e a súa zona de influencia.

    O peche das instalacións utilizadas ata o de agora na rúa de A Coruña foi obrigado diante da súa situación de insalubridade, deficiencias que veñen arrastrándose dende 2003 na súa apertura, motivando sucesivas queixas das traballadoras e traballadores pola situación lamentable das dependencias, e agravada polos últimos temporais. A diagnose realizada polos técnicos provinciais concluíu que as patoloxías do inmoble son de complexa solución, xa que trátase de problemas estruturais que afectan a todo o inmoble, e incluso á rúa no que se atopa.

    O deputado, Carlos Font, xa denunciou ás claras as causas da situación actual e amosouse especialmente molesto co Partido Popular por ter criticado o peche das instalacións do ORAL en Tui: “No PP, no canto de protestar, deberían estar dando aclaracións sobre un dos episodios máis vergoñentos da historia dos populares en Tui, que os debería ter agochados sen saír de casa”. Font lembrou que “en 2003 o Goberno do PP na Deputación de Pontevedra comprou nada menos que ao entón conselleiro do Partido Popular de Política Agroalimentaria e Desenvolvemento Rural, Juan Miguel Diz Guedes, un inmoble insalubre, e, aínda máis, por un prezo de case 175.000 euros, como se estivera en Manhattan e non en Tui, e ademais, a un conselleiro do seu partido en exercicio naquel momento como Diz Guedes. Non entendo como en vez de estar fuxidos, aínda se atreven a falar no Partido Popular! engadiu o deputado provincial.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.