25.5 C
Pontevedra
Domingo, 14 de Abril de 2024
Máis
    HomeBaixo MiñoTomiño‘Voces Novas’, altofalante da infancia e mocidade tomiñesa no Consello Autonómico de...

    ‘Voces Novas’, altofalante da infancia e mocidade tomiñesa no Consello Autonómico de Participación Infantil

    Tomiño contará con voz propia no Consello Autonómico de Participación Infantil e Xuvenil. Será a través de Irene Pereira, unha das integrantes do Consello da Infancia e Adolescencia ‘Voces Novas’, que foi seleccionada para formar parte deste órgano co que se procura xerar un novo espazo para que nenos, nenas e mocidade poidan expresarse, propoñer ideas e formar parte activa da toma de decisións en temáticas que lles afectan de forma directa.

    O consello estará composto por 30 representantes das nenas, nenos e adolescentes de toda Galicia, que se reunirán o vindeiro venres 21 de abril na Cidade da Cultura de Santiago de Compostela para dar comezo á súa actividade. Ao longo do ano, todas e todos os integrantes deste órgano manterán reunións para abordar diferentes temáticas a nivel autonómica e para facer propostas de mellora á Xunta de Galicia. 

    A alcaldesa de Tomiño, Sandra González, destaca “a importancia de que a infancia e a mocidade tomiñesa teña voz e voto nunha iniciativa que pode marcar as pautas das políticas relacionadas coa mocidade a nivel galego”. Pola súa parte, a concelleira de Mocidade, Fátima Rodríguez, salientou tamén o orgullo que é para Tomiño “ver o traballo que están a desenvolver os e as integrantes de ‘Voces Novas’, a súa implicación e o seu esforzo por ser altofalante dos seus veciños e veciñas en todos os foros posibles”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.