17.7 C
Pontevedra
Xoves, 23 de Maio de 2024
Máis
    HomeBaixo MiñoTomiñoUnha vintena de persoas obteñen a licenza de navegación en Goián

    Unha vintena de persoas obteñen a licenza de navegación en Goián

    O curso celebrouse o pasado 1 de agosto, para poder obter a LICENZA DE NAVEGACIÓN, en Goián – Tomiño.

    Matriculáronse 22 persoas, das cales 15 fixeron o curso completo (teoría e práctica) e 7 só fixeron a parte práctica porque xa estaban en posesión da Autorización Federativa e por tanto valídaselle a parte teórica.

    As persoas matriculadas proviñan de distintos concellos: Salceda, O Rosal, A Guarda, Baiona, pero a maioría eran do concello de Tomiño (mesmo había dúas persoas de Madrid que viñeron facer as prácticas para trocar o título antigo pola Licenza de Navegación).

    Este é o segundo curso que organiza a Federación Galega de Motonáutica en Tomiño para a obtención da Licenza de Navegación no ano 2020 (celebrouse o primeiro o 4 de xullo), e dada a gran demanda está a pensarse en facer outro a finais de agosto ou setembro.

    A Federación Galega de Motonáutica leva uns anos apostando polo Concello de Tomiño para facer actividades náuticas, de feito neste Concello sempre se celebra unha proba do “Campionato Galego Inclusivo – Slalom de Motonáutica”, que este ano está prevista para o mes de setembro, e tamén se celebrou o ano pasado un bautismo de motos acuáticas para persoas con discapacidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.