7.9 C
Pontevedra
Venres, 29 de Marzo de 2024
Máis
    HomeBaixo MiñoTomiñoA mocidade tomiñesa achega as súas ideas á mellora do campo da...

    A mocidade tomiñesa achega as súas ideas á mellora do campo da Feira

    O Consello da Infancia e Adolescencia, «Voces Novas», participa no proxecto de recuperación deste espazo con achegas para convertelo en lugar de encontro para a mocidade

    Tomiño quere converter o novo campo da Feira nun lugar de encontro feito por e para a mocidade. Para conseguilo o Concello conta unha vez máis coa colaboración do Consello da Infancia e Adolescencia, ‘Voces Novas’, que incorporará a súa voz aos traballos de recuperación deste espazo para facer del un lugar dinámico, onde a xente nova lle apeteza reunirse tanto para facer deporte como para gozar do contacto coa natureza.

    “Para nós é fundamental contar coa súa opinión en todos os eidos da vida municipal, pero especialmente naquelas que lles afecta directamente, porque escoitando a súa voz podemos crear os espazos que os nosos mozos e mozas necesitan”, salienta a alcaldesa, Sandra González.

    Por este motivo, representantes do Consello da Infancia e Adolescencia xa traballan cos seus compañeiros e compañeiras en ideas para incorporar ao proxecto e acadar unha zona de lecer que recolla as inquedanzas dos rapaces e rapazas. Entre as primeiras propostas destacan melloras no mobiliario urbano para axeitalo ás necesidades da mocidade: desde colocar mesas de madeira en lugar de pedra para poder usalas para escribir e facer traballos ata contar dunha parte cuberta para cando chove, colocar céspede na zona ou dispoñer de bancos ou mesas con enchufes.

    En canto ao lecer, salientan a importancia de mellorar e agrandar o skatepark collendo o espazo que agora ocupa a cancha, xa que é un dos principais reclamos da zona, e suxiren mover o parque de calistenia para esta zona. Outra das ideas que barallan é a da creación dun mural actual na zona que represente á mocidade.

    A rexedora destaca o labor do Consello da Infancia e Adolescencia e agradece a implicación de todas e todos os seus integrantes no futuro do Concello e nas intervencións que se están levando a cabo no municipio, como a do skatepark de Goián, na que as súas suxestións tiveron especial relevancia.

    A actuación no campo da Feira dará como resultado a creación dunha área moderna e contemporánea, continuando coa aposta da recuperación do espazo público para as persoas a través do fomento da mobilidade peonil e poñendo tamén en valor a arquitectura co uso de iluminación específica que resalte o seu atractivo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.