27.4 C
Pontevedra
Venres, 29 de Setembro de 2023
Máis
    HomeBaixo MiñoTomiñoA humanización da praza de Figueiró, en Tomiño, "recupera para as persoas"...

    A humanización da praza de Figueiró, en Tomiño, “recupera para as persoas” este espazo central da parroquia

    O Concello investirá 440.000 euros procedentes do Plan Concellos na humanización deste lugar utilizado, hoxe en día, como aparcadoiro de vehículos

    O Concello de Tomiño está a levar a cabo as obras de ‘Acondicionamento da contorna da Praza de Figueiró’, co obxecto de convertir este espazo central da parroquia de Figueiró, nun espazo de uso peonil, accesible e seguro. A intervención, cun orzamento total de 440.000 euros, recuperará para as persoas máis de 2000 m2 de espazo público que se atopaba pavimentado con aglomerado asfáltico, usándose coma aparcadoiro e sen ofrecer seguridade e uso para as persoas.

    Polo tanto, son condicionantes das obras “xerar un ámbito espacialmente atractivo, que invite á xente utilizar a praza dun xeito seguro e accesible, potenciando así actividades de ocio, comercio e restauración e poñendo en valor a arquitectura existente neste espazo público”, sinala o Concello tomiñés.

    O proxecto, redactado polo estudio de arquitectura Cendón-Vázquez, recurre a uns acabados suaves, naturais, acordes co uso de preferencia peonil, e xa utilizados noutros espazos públicos do concello, coma a Praza do Seixo, xerando así unha identidade propia dos espazos públicos de Tomiño recuperados para as persoas.

    Outro aspecto importante é ainstalación dunha Iluminación harmónica que poña en valor o espazo e a arquitectura do lugar. Asimesmo, tamén se levarán acabo a revisión dos servizos de auga e saneamento existentes, canalización de cableado e instalación de novo mobiliario urbano e sinalización.

    A alcaldesa de Tomiño, Sandra González, manifesta “a súa satisfacción por esta importante obra, recuprando para as persoas unha das prazas máis fermosas do Concello, un exemplo de como o noso modelo dos espazos públicos, xa implantado e recoñecido nos núcleos urbanos, tamén se estenderá aos espazos publicos centrais das nosas parroquias”.

    LIBROS

    Alberto Mancebo, «O que me quedaba por dicirche»

    Poderiamos afirmar que nos últimos meses algo se está a mover na literatura galega pola aparición de novos autores que nos sorprenden gratamente pola frescura das súas propostas.

    Antón Riveiro Coello, «Hotel Carioca»

    Antón Riveiro Coello volve a demostrar a súa rara habilidade para a construción de historias nas que xoga a mantenta coas personaxes e mais co lector.

    Branca Novoneyra, «As cunchas baleiras»

    Logo dunha longa década de escrita íntima e de reflexión, Branca Novoneyra decide facer público un novo poemario de clara vocación estética e simbólica como é «As cunchas baleiras», que ela mesma concibe como unha «antoloxía» dos versos que saíron da súa pluma ao longo de todo este tempo.