14.5 C
Pontevedra
Sábado, 22 de Xaneiro de 2022
Máis
    HomeBaixo MiñoA GuardaUn alumno da Guarda rexeitado por non poder desprazarse a Santiago en...

    Un alumno da Guarda rexeitado por non poder desprazarse a Santiago en 24 h para matricularse nun curso superior 100 % online

    Hai algo máis incongruente que rexeitar a un alumno por non poder presentars, nun prazo de 24 horas en Santiago, para matricularse nun ciclo superior 100 % online? Dificilmente, sería a resposta máis lóxica pero, as veces a lóxica asemella non ter cabida en determinados trámites ou instancias educativas e, como afirma o dito, a realidade sempre supera a ficción.

    O martes 14 de outubro, Felipe Rodríguez recibe unha chamada o IES San clemente, na que lle indican que, estando en lista de espera para matrícula nun ciclo superior de formación profesional (non foi admitido na primeira adxudicación), actualmente estaba admitido para matricularse en catro módulos do ciclo que solicitara.

    Pero, explica Felipe, a sorpresa vén cando, a pesar de tratarse da modalidade de educación para adultos a distancia, de terse realizado a solicitude anterior totalmente en liña (na que xa se achegou toda a documentación e información requirida para a matrícula), e de non restar máis trámite que o ingreso da cota de matrícula e a súa formalización (algo que se pode facer perfectamente por medios telemáticos), por teléfono indícanlle que debe acudir en persoa ao IES San Clemente, como máximo, ao día seguinte (dicindo literalmente que “non imos estar esperando por ti catro días”), en non deixando ningunha outra opción para poder exercer o seu dereito para formalizar a matrícula.

    Na mesma chamada, ao indicar o interesado que non podía acudir o mércores a Santiago –reside na Guarda e trátase dun día laborable con horario ata as 14 h e para o que se avisa o día anterior–, comunícanlle que pasan a considerar a súa solicitude como “RENUNCIA” automaticamente.

    Acto seguido, e non sen tratar de razoar nunha segunda chamada ao instituto (na que o alumno preguntou para que se requiría a presenza física exactamente, pregunta que non soubo contestar a persoa que atende o teléfono, que se reduciu a dicir “funciona así, poña unha queixa a admisión de ciclos”), o interesado tramitou unha queixa a través do rexistro electrónico da Xunta dirixida á Consellería de Educación para denunciar o caso e indicar claramente que non renuncia á matrícula e que espera unha solución razoable que sexa respectuosa coa legalidade vixente e razoable considerando o trámite para realizar e o medio elixido.

    Felipe Rodríguez asegura que trátase dun caso claro de discriminación xa que todos os alumnos que formalizaron a matrícula na semana anterior, puideron facer o proceso 100 % a distancia. Ao denunciar este feito ao IES San Clemente na segunda chamada telefónica, a persoa que atende simplemente dixo “Os de lista de espera teñen que vir en persoa a facer a matrícula, son normas de admisión de ciclos”.

    Asegura Felipe que hoxe día existen medios telemáticos dabondo para poder realizar un trámite administrativo: Certificado electrónico para a firma, correo electrónico, rexistro e sede electrónica… Pero ademais, estamos en plena pandemia do Covid-19, polo que non parece moi razoable obrigar a realizar un desprazamento e comparecencia física, cando non é necesaria, e ademais existe unha situación de risco que esixe “Sentidiño” e realizar os mínimos desprazamentos necesarios e inevitables.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS