O xoves día 5 de decembro a Praza do Reló acolleu as primeiras actividades programadas para o arranque da programación do Nadal 2019/20 na vila da Guarda co acendido do alumeado de Nadal. Nesta primeira xornada festiva tiña lugar, ás 18:00 h, a actuación de Mere-Clown co espectáculo ‘Aparvaolimpiadas’, congregando a un bo número de persoas entorno á Praza do Reló.
Intres máis tarde, a tenente alcalde da Guarda, Montserrat Magallanes, adicaba unhas verbas aos presentes para dar paso a unha proxección sobre a Torre do Reló cunha conta atrás que rematou co acendido do alumeado de Nadal en toda a vila, seguido do concerto infantil de ‘Luis Vallecillo’.
[su_image_carousel source=”media: 9520,9519,9517,9516,9522,9521″ crop=”5:4″ link=”lightbox” autoplay=”0″]
Causou moita curiosidade as letras iluminadas instaladas na Alameda da Guarda e a bola da Praza Avelino Vicente, onde se reuniron centos de persoas para inmortalizar coas súas cámaras este Nadal, que ademais ven cun sorteo de puntos para a Pista de Xeo entre todos os que compartan as súas fotos cos hashtags #AGuardaéNadal e #NadalnaGuarda nas Redes Sociais.
A Guarda recebe un Nadal moi especial este ano, repetindo elementos que en anos pasados acadaron un grande éxito como a Pista de Xeo na Alameda e incorporando un Mercado de Nadal na Praza de Avelino Vicente, amaus dun espazo para Obradoiros e actividades infantís na Praza de Juan Bautista e, xa para por o broche final, unha Cabalgata de reis magos moi especial.