É Noticia

A responsable de Igualdade do Grupo Socialista no Parlamento de Galicia, Noa Díaz, esixiu á Xunta incrementar o orzamento para a loita contra a violencia machista con fondos propios para 2021. Díaz, que interveu trala comparecencia da secretaria xeral de Igualdade no Parlamento, lamentou que a Xunta “non avalíe nin analice” os datos existentes para extraer ideas que se “deben converter en accións políticas” que estean “lideradas de maneira directa pola Xunta” á vez que mostrou a súa preocupación polo “escaso alcance” das medidas.

O conselleiro de Facenda e Administración Pública, Valeriano Martínez, anunciou onte que a Xunta prevé volver programar exames de oposicións a partir do mes de febreiro. Neste sentido, sinalou que as probas celebraranse seguindo protocolos de actuación que garantan a súa realización con seguridade de acordo cos criterios das autoridades sanitarias e conforme aos principios de igualdade, mérito e capacidade.

“¡Que talento temos nesta provincia!” asegurou Carmela Silva ao dar a coñecer o fallo do primeiro certame audiovisual “Reacción polo clima”. A presidenta da Deputación de Pontevedra, mostrou o seu orgullo polo grande nivel dos audiovisuais presentados e polo “grande compromiso” da mocidade da provincia. Manuel Albariñas e Yago Rodríguez, de Marín, álzanse co primeiro premio por (IN)CONSCIENTE, unha peza “impactante, que nos fai reflexionar, que nos toca e posiciona fronte ao que estamos a facer co planeta”. Pola súa banda Carmen Villanueva, de Silleda, e Ana Isabel González, de Vigo, acadaron o segundo e terceiro premio polos audiovisuais O cambio climático, non pases de largo e Pequenos xestos, grandes cambios.

A Deputación de Pontevedra mantén o seu apoio decidido ao sector cultural e para elo reconverte o seu programa teatral “Prendendo Butacas” á versión online, “Prendendo Butacas na Casa”.

Os ‘Concellos Ágora’ da provincia pasarán a seguir os principios das ‘Cidades 30’ de xeito inmediato. Así o manifestou o deputado de Mobilidade e Espazo Público, Uxío Benítez, que hoxe presidiu unha reunión de traballo para implementar o cambio de sinalización da velocidade dos núcleos urbanos das vilas da provincia a un máximo de 30 quilómetros por hora.

A Xunta pon en marcha unha nova campaña para reducir os accidentes co tractor. A túa vida sen voltas presentouse a través dunha webinar a 80 profesores e alumnos dos ciclos medio e superior dos centros de Formación Profesional da Granxa, en Ponteareas, e do IES Cidade de Antioquía, de Xinzo de Limia.

A angustia, o pranto e a dor das mulleres que sufriron e sofren as violencias machistas tomou corpo hoxe na desgarradora acción artística que...

O secretario xeral do PSdeG, Gonzalo Caballero, centrou hoxe a pregunta ao presidente nas medidas que ten que despregar a Xunta para apoiar ás mulleres neste contexto de pandemia e, nese sentido, reclamou “un esforzo por mellorar o escudo protector das mulleres”. Gonzalo Caballero puxo o foco no aumento nun 14 % das chamadas ao 016 durante o confinamento, un tempo no cal as denuncias por violencia machista caeron un 13 %.

Preto de 600 profesionais sanitarios incorpóranse ás listas de contratación temporal de persoal laboral da Xunta. O Diario Oficial de Galicia (DOG) publica hoxe as listas provisionais de admitidos e excluídos, que se fai de forma anticipada e separada, para ter así unha maior dispoñibilidade de profesionais para facer fronte ás necesidades derivadas da Covid-19.

Deixar o pasado atrás para comezar a ser a persoa que se quere ser. Iso foi o que supuxo para as participantes desta primeira edición do obradoiro de Eu Rural aqueles días nos que compartiron alegrías, bagoas, historias…

No marco da Mesa de Turismo, o espazo de gobernanza creado pola Deputación de Pontevedra no ano 2018, a presidenta Carmela Silva e o secretario de Estado de Turismo Fernando Valdés sentaron as bases dunha relación bilateral entre ambas institucións para identificar os proxectos verdadeiramente estratéxicos que melloren o destino turístico e permitan reactivar o sector na provincia.

O delegado do Goberno en Galicia, Javier Losada, recoñeceu o papel esencial dos técnicos superiores sanitarios na prevención e loita contra a pandemia do coronavirus, polo seu contacto permanente cos pacientes e pola súas responsabilidades, que desempeñan “día a día” con total compromiso e alto grado de formación.