8.5 C
Pontevedra
Venres, 29 de Marzo de 2024
Máis
    HomeÉ NoticiaCarmela Silva enxalza o "grande talento e compromiso" da mocidade e da...

    Carmela Silva enxalza o “grande talento e compromiso” da mocidade e da provincia no fallo do primeiro concurso ‘Reacción polo Clima’

    Manuel Albariñas, de Marín, álzase co primeiro premio por '(IN)CONSCIENTE', “unha peza impactante, que nos fai reflexionar, que nos toca e posiciona fronte ao que estamos a facer co planeta”

    “¡Que talento temos nesta provincia!” asegurou Carmela Silva ao dar a coñecer o fallo do primeiro certame audiovisual “Reacción polo clima”. A presidenta da Deputación de Pontevedra, mostrou o seu orgullo polo grande nivel dos audiovisuais presentados e polo “grande compromiso” da mocidade da provincia. Manuel Albariñas e Yago Rodríguez, de Marín, álzanse co primeiro premio por (IN)CONSCIENTE, unha peza “impactante, que nos fai reflexionar, que nos toca e posiciona fronte ao que estamos a facer co planeta”. Pola súa banda Carmen Villanueva, de Silleda, e Ana Isabel González, de Vigo, acadaron o segundo e terceiro premio polos audiovisuais O cambio climático, non pases de largo e Pequenos xestos, grandes cambios.

    Con ‘Reacción polo clima’ buscábase premiar aos mellores traballos audiovisuais inéditos, dun máximo de 5 minutos, centrados, tal e como asegurou a presidenta da Deputación, “na loita contra o cambio climático, potenciando o talento, empoderando á xuventude e visibilizando as súas reivindicacións”. En total presentáronse á primeira edición do concurso oito persoas, catro mulleres e catro homes, procedentes de A Guarda, Lalín, Marín, Mos, Silleda e Vigo. O primeiro premio, de 1.000 €, recalou en Manuel Albariñas, de Marín e nado no 2011, que presentou “(IN)CONSCIENTE” unha peza de “grande calidade, na que destaca o papel da imaxe e a técnica empregada, así como a súa innovación, a interpretación, a mensaxe e as localizacións, que combinan imaxes de costa con bosques da provincia de Pontevedra”, informou a presidenta.

    O segundo premio, que ascende a 600 €, foi para Carmen Villanueva Ansedes, de Silleda e nada no 1996, por O cambio climático, non pases de largo unha peza que destaca, tal e como explicou Silva, pola súa “orixinalidade e mensaxe, así como polo feito de empregar como técnica o stop motion, protagonizada por figuriñas de playmobil”. Pola súa banda o terceiro premio, por valor de 400 €, recalou en Ana Isabel González Vieites, de Vigo e nada no 1994, por Pequenos xestos, grandes cambios. Neste caso o xurado valorou a participación do alumnado do Colegio Marcote na peza e a mensaxe que transmite, centrada nos ODS da Axenda 2030.

    ‘Reacción polo clima’ lanzouse por primeira vez con motivo do Día Internacional contra o Cambio Climático (24 de outubro) e co obxectivo de implicar á xuventude da provincia que xoga, rematou a presidenta, “un papel fundamental e son a grande revolución, a oportunidade que temos para salvar o planeta de actividades humanas que temos que rexeitar”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.