Redondela

Tal e como estaba previsto, no día de onte comezaron as obras de 'Acondicionamento, adaptación e mellora enerxética' das dependencias de Servizos Sociais de Chapela, traballos que contan cun investimento de 175.329,00 euros (IVE incluído) con cargo aos fondos EDUSI Redondela 2020.

A biblioteca 'Xela Arias' de Chapela, Redondela, festexa a volta á escola ofrecendo un contacontos para os máis cativos: Levántate Xan!, unha proposta de narración oral do xenial artista Caxoto.

O Goberno local de Redondela remata, nestes días, as obras de mellora do aparcadoiro do CEIP Outeiro das Penas, en Cesantes, traballos longamente demandados pola comunidade escolar que consideraban que a explanada situada a carón da N-550, era “un espazo fundamental para o desenvolvemento da actividade do colexio” e que ao mesmo tempo, daba servizo como aparcadoiro.

“Se realmente cre na participación veciñal, debe recuperar de inmediato estos órganos dos que forman parte asociacións e colectivos”, manifesta o voceiro nacionalista, Xoán Carlos González.

O Arealonga FS ten xa aberta a inscrición en todas as súas categorías para esta vindeira tempada, 2021/2022. Para formalizar a inscrición, os interesados e interesadas poderán facelo presentándose no Pavillón Municipal de Chapela 'Manuel González Soto' os martes e os venres en horario de 17:00 a 19:00 horas. Tamén poden solicitar máis información a través do teléfono e whatsapp 662 111 339.

A alcaldesa de Redondela, Digna Rivas, acompañada de Joshua Mateo –fillo de Sesé Mateo– e a concelleira de Igualdade, Iria Vilaboa, presentaron esta mañá a que é xa a primeira edición do Premio Sesé Mateo de Xornalismo Ético no tratamento da violencia machista, un certame que, aseguraron na presentación “nace con vocación de continuidade” e co que se pretende recoñecer publicamente “a ética á hora de tratar informacións tan delicadas como as relacionadas coa violencia machista, fuxindo de sensacionalismos e coidando a intimidade das vítimas e das persoas sobreviventes máis vulnerables”.

O Grupo Municipal Socialista do Concello de Redondela cuestionou onte unha das últimas decisións de AER antes de abandonar o Goberno local e que da que o grupo socialista non tiña coñecemento: contratar unha empresa para que elabore unha páxina web a través da que se poida facer unha enquisa popular sobre os festivos locais.

Informar sobre a nova Praza de Ponteareas e o que esta obra significa para o desenvolvemento futuro de Redondela, é un dos obxectivos que busca a reunión aberta que o Goberno local manterá coas veciñas e veciños o vindeiro mércores, 8 de setembro, ás 20 horas no Multiúsos da Xunqueira.

O Concello de Redondela, vén de dar un paso adiante na participación cidadá posibilitando que a veciñanza poida solicitar reunións cos concelleiros e concelleiras do grupo de Goberno e así poder trasladarlles, directamente, as súas demandas e suxestións. Trátase, explica a alcaldesa Digna Rivas, “establecer canles de comunicación directa entre as veciñas e veciños e os responsables de cada área coa intención de axilizar a administración local”.

A Concellería de Turismo que xestiona María Castro, vén de solicitar a inclusión forman do Museo Meirande na Rede de Espazos Museísticos Atlánticos (REMA) á que, ata o de agora, non pertencía. Unha das primeiras decisións tomadas pola nova concelleira foi preparar a documentación e presentar a adhesión do museo redondelán, solicitude que será levada á reunión que esta asociación museística celebrará neste mes de setembro “polo que esperamos que o Meirande sexa membro de pleno dereito do REMA neste vindeiro mes de outubro”, engade Castro.

11 persoas usuarias da Asociación Érguete realizaron, o pasado 2 de setembro, a etapa Vigo-Redondela do Camiño Portugués pola Costa. “É unha actividade que nunca fixemos, e unha oportunidade para superarnos a nós mesmos”, destacou Manolo, un usuario que prefire non mencionar os seus apelidos. Todos eles son residentes das vivendas da acollida da entidade en Vigo, onde viven en compañía dun equipo de profesionais e loitan para poder integrarse na sociedade de maneira normalizada, e deixar atrás así as súas adiccións e problemas de conduta.

A alcaldesa de Redondela, Digna Rivas, asinou o pasado 31 de agosto a aceptación da renuncia dos tres concelleiros de AER, e a conseguinte remodelación das áreas de Goberno para as que non haberá maior prioridade que “o servizo as nosas veciñas e veciños e traballar arreo para mellorar a calidade de vida da cidadanía”, afirmou a rexedora redondelá.