10.4 C
Pontevedra
Xoves, 28 de Marzo de 2024
Máis
    HomeComarcasRedondelaO Goberno local ultima as obras de mellora do aparcadoiro do CEIP...

    O Goberno local ultima as obras de mellora do aparcadoiro do CEIP Outeiro das Penas de Cesantes

    A explanada atopábase en moi mal estado e os traballos permitirán recuperar a superficie para transformala nun espazo transitable, seguro e cómodo

    O Goberno local de Redondela remata, nestes días, as obras de mellora do aparcadoiro do CEIP Outeiro das Penas, en Cesantes, traballos longamente demandados pola comunidade escolar que consideraban que a explanada situada a carón da N-550, era “un espazo fundamental para o desenvolvemento da actividade do colexio” e que ao mesmo tempo, daba servizo como aparcadoiro.

    O informe técnico previo puña en evidencia “o mal estado da superficie” e consideraba urxente actuar sobre a mesma “para evitar que o deterioro das capas inferiores do firme avance”. Doutra banda, dito informe salientaba que o espazo contiguo, xa no interior do recinto escolar “atópase, igualmente, en mal estado; conservando o pavimento orixinal en formigón e unha deficiente rede de drenaxe que non desauga de forma correcta, producíndose bolsas de auga cando chove”.

    A alcaldesa Digna Rivas lembra que logo dos contactos mantidos co centro escolar “comprobamos a necesidade de mellorar, non só a explanada que da servizo ao centro escolar, senón tamén a zona interior que o anterior Goberno deixou sen acondicionar”.

    O groso da actuación concentrouse na rehabilitación do pavimento asfáltico da explanada do aparcadoiro e do pavimento de formigón na zona do recinto escolar que quedou sen rehabilitar. A actuación completouse coa execución dunha nova rede desde o interior do recinto e que desauga na rede de drenaxe existente que discorre pola marxe da estrada nacional.

    No que fai referencia ao interior do recinto, elevouse a rasante do pavimento ata o nivel das beirarrúas con formigón nunha superficie de preto dos 330 metros cadrados e alongouse o canal con reixa existente en 13 metros lineais máis, completándose a rede de drenaxe cunha tubaxe de PVC de 200 mm de diámetro e as correspondentes arquetas sumidoiro para a recollida de pluviais.

    Dentro do recinto, se propón unha solución que de continuidade á parte renovada, demodo que se eleva a rasante do pavimento ata o nivel das beirarrúas con formigón HM-25/P/20/IIa nunha superficie de 330 m2 e se prolonga o canal con reixa existente mediante aexecución de 13,00 metros lineais de canal do mesmo ancho e reixa que pasa a ser defundición e clase de carga C-250. Se completa a rede de drenaxe con tubaxe de PVC cundiámetro de 200 mm. e arquetas sumidoiro para a recollida e evacuación das augas pluviais.

    No aparcadoiro, logo da preparación do terreo, estendeuse unha nova capa de rodadura con mestura bituminosa en quente nunha superficie de 742 m2. A maiores, procedeuse a unha separación física lixeira do aparcadoiro coa zona de dominio público da estrada N-550 coa colocación de pilonas flexibles e un bordo de formigón que serve para dirixir as augas de escorrentía aos sumidoiros, reducindo así a cantidade de auga que chega directamente á plataforma da estrada nacional.

    Completouse a actuación co pintado das prazas de aparcamento reservadas para persoas con mobilidade reducida e o rebaixe da beirarrúa para o acceso as mesmas. Así mesmo, e co obxecto de cumprir coa lei en materia de accesibilidade, substituíuse a cancela peonil existente por unha que ofrece 90 cm de paso libre nunha das follas abatibles. O importe global das obras supuxo un investimento de 24.078,73 euros.

    Digna Rivas chamou a atención sobre o calado das obras realizadas “que van máis aló sun simple ‘lavado de cara’ e que buscan satisfacer as demandas da comunidade escolar e a veciñanza e, ao mesmo tempo, garantir a seguridade e comodidade na utilización das zonas acondicionadas”.

    A alcaldesa de Redondela lembrou que, hai uns meses, deuse satisfacción a outra longa demanda da veciñanza e a comunidade escolar como foi a dotación dun semáforo, na contorna do CEIP Outeiro das Penas “que facilita o cruce da estrada N-550, mellorando as condicións de seguridade nunha zona que rexistra un alto nivel de tráfico rodado e que é utilizada, diariamente, por numerosas persoas a pe”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.