16 C
Pontevedra
Sábado, 1 de Outubro de 2022
Máis
    HomeComarcasRedondelaRedondela fomenta o contacto directo entre a veciñanza e as concelleiras e...

    Redondela fomenta o contacto directo entre a veciñanza e as concelleiras e concelleiros do grupo de Goberno

    Os números de teléfono das e dos edís será publicado na web do Concello para que a veciñanza poida solicitar reunións, con cita previa, cos responsables de cada área

    O Concello de Redondela, vén de dar un paso adiante na participación cidadá posibilitando que a veciñanza poida solicitar reunións cos concelleiros e concelleiras do grupo de Goberno e así poder trasladarlles, directamente, as súas demandas e suxestións. Trátase, explica a alcaldesa Digna Rivas, “establecer canles de comunicación directa entre as veciñas e veciños e os responsables de cada área coa intención de axilizar a administración local”.

    Os teléfonos móbiles das concelleiras e concelleiros do Goberno local serán publicados na páxina web do Concello e as veciñas e veciños poderán solicitar, de luns a venres e de 09 h a 14 horas, unha reunión con eles con cita previa.

    A maiores, todos los luns, de 17 h a 19 horas, todas as concelleiras e concelleiros e a alcaldesa Digna Rivas, estarán na Casa do Concello a disposición da veciñanza para que lles poidan trasladar, directamente as súas demandas.

    “Era unha idea que tíñamos pensado hai tempo pero que, polas restricións provocadas pola pandemia, tivo que ser adiada”, afirma a alcaldesa de Redondela. A iniciativa retómase agoara coa intención clara de facilitar a comunicación directa entre a cidadanía e as concelleiras e concelleiros “o que redundará nunha maior fluidez da xestión municipal”, afirma Rivas.

    A eliminación paulatina de restricións por mor da pandemia da COVID, non só se plasma no establecemento do trato directo entre concelleiros, concelleiras e veciñanza, senón que permitirá que a alcaldesa Digna Rivas, poida retomar as reunións coas veciñas e veciños nas diferentes parroquias para coñecer, in situ, as súas inquedanzas, suxestións e reclamacións.

    “Para nós, o contacto directo coas veciñas e veciños, sempre foi una prioridade. A chegada da pandemia impediu que puideramos desenvolver con normalidade esa iniciativa e agora, coa baixada das restricións, retomámola e a seguiremos mantendo, periódicamente, ata final do mandato”, afirma a rexedora local.

    O reinicio destas xuntanzas periódicas coa veciñanza comezará o vindeiro día 7 de setembro, martes, no Centro Cultural de Cabeiro. Como xa viña facendo con anterioridade, antes da reunión a alcaldesa e as concelleiras e concelleiros, percorrerán distintas zonas da parroquia para, posteriormente, manter o encontro coas veciñas e veciños. “Buscamos que, sen ningún tipo de impedimento e con absoluta liberdade, a veciñanza teña a oportunidade de trasladarnos as súas necesidades”, conclúe Digna Rivas

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS