16.6 C
Pontevedra
Xoves, 29 de Setembro de 2022
Máis
    HomeComarcasRedondelaO BNG de Redondela esixe ao Goberno local que convoque aos Consellos...

    O BNG de Redondela esixe ao Goberno local que convoque aos Consellos Parroquiais

    “Se realmente cre na participación veciñal, debe recuperar de inmediato estos órganos dos que forman parte asociacións e colectivos”, manifesta o voceiro nacionalista, Xoán Carlos González.

    A volta a unha “prudente normalidade” debe afectar a todos os eidos da actividade política do Concello de Redondela, na que se debe incluír a convocatoria dos Consellos Parroquiais, despois de ano e medio de inactividade. Así o entenden dende o Bloque Nacionalista Galego, para quen estes órganos de participación veciñal, constitúen o mellor instrumento para realmente coñecer as necesidades e demandas das diversas parroquias.

    Pola súa banda o voceiro nacionalista, considera que Digna Rivas, debe ir máis alá dos anuncios de facilitar os teléfonos de concelleiros e concelleiras, ou de visitas a distintas parroquias. “Se realmente cre na participación veciñal, debe convocar ao longo do mes de setembro estes órganos conformado por colectivos, asociacións e forzas políticas”, declara.

    Recorda González, como dende o mes de marzo, non se celebran ningún dos once consellos parroquiais, “situación á que se lle debe por punto e final”, co obxectivo de que o goberno municipal teña un bo coñecemento da situación das diversas parroquias.

    “É nos propios Consellos onde os colectivos e asociacións, representando ao conxunto de veciños e veciñas de cada parroquia, transmiten as súas necesidades, problemáticas e mesmo aportan propostas, para a actividade municipal”, aclara o voceiro nacionalista. “A alcaldesa está no seu lexítimo dereito a xuntarse con quen considere, mais se non se convocan os Consellos, dende o BNG, consideraremos que se trata do caduco modelo de desembarco nas parroquias do goberno de turno con compromisos que despois non se cumpren”, aclara o edil.

    Entende que nestes Consellos cómpre expoñer propostas como a situación das Comunidades de Augas, e Montes, a recuperación da actividade cultural parroquial, a problemática de Aucosa, ou da Ampliación da Autoestrada.

    Un dos temas que o goberno de Digna Rivas debe explicar, segundo Xoán Carlos González, nestes Consellos é o destino dos Orzamentos Participativos deste ano e do pasado. “Conxelados dende 2019, por un acordo PP e AER, non houbo vontade do PSOE de suprimilo. Débese aclarar aos colectivos onde se invertiron esas partidas, e que vai pasar no futuro”. Arredor duns trescentos sesenta mil euros, deberían ser invertidos nas parroquias segundo as aportacións dos distintos colectivos e asociacións nestes dous últimos anos.

    Finalmente Xoán Carlos González, manifesta que calquera acordo ao que queira chegar o goberno de Digna Rivas co BNG, debe ter en conta a convocatoria dos Consellos Parroquiais.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS