10.8 C
Pontevedra
Sábado, 2 de Marzo de 2024
Máis
    HomeComarcasRedondelaO Goberno local de Redondela reordena as súas areas de traballo nas...

    O Goberno local de Redondela reordena as súas areas de traballo nas que “o servizo á cidadanía seguirá sendo a única prioridade”

    A alcaldesa Digna Rivas agradeceu o traballo realizado polos concelleiros e concelleira de AER durante estes dous anos e asegura que “o noso mellor aval son os feitos”

    A alcaldesa de Redondela, Digna Rivas, asinou o pasado 31 de agosto a aceptación da renuncia dos tres concelleiros de AER, e a conseguinte remodelación das áreas de Goberno para as que non haberá maior prioridade que “o servizo as nosas veciñas e veciños e traballar arreo para mellorar a calidade de vida da cidadanía”, afirmou a rexedora redondelá.

    Digna Rivas quixo agradecer o traballo realizado polos concelleiros e concelleira de AER durante estes dous anos e asegurou que a redistribución de áreas “non supón maior problema dado que contamos cun equipo preparado, traballador e que sabe que as necesidades das nosas veciñas e veciños teñen que estar por enriba de calquera outra consideración”.

    Na reorganización das áreas de responsabilidade, Ignacio González, suma ás concellerías de Deportes, Medio Mariño e Transición enerxética que xa xestionaba, á de Seguridade e Interior.

    Pola súa banda, María Castro Abad, mantén a dirección das áreas de Economía e Facenda, Urbanismo e Vivenda, Patrimonio e Emprego e farase cargo tamén da área de Turismo.

    Vicente Lamas, suma ás súas responsabilidades a concellería de Servizos Públicos Básicos amais das de Vías e Obras, Benestar Comunitario, Feiras e Mercados e Transportes que xa viña desenvolvendo ata o momento.

    No que atinxe ás concellerías de Transparencia, Novas Tecnoloxías e Participación Cidadá, estas serán asumidas por Olga García Ballesteros quen, amais, mantén a xestión das áreas de Xuventude, Ensino e Conservatorio.

    Alberto Álvarez, pasará a xestionar a área de Medio Ambiente, que se engade ás de Persoal, Parques e Xardíns e Limpeza Viaria que xa dirixía.

    Finalmente, Iria Vilaboa, ata o momento concelleira de Servizos Sociais, Persoas Maiores e igualdade, será a responsable das concellerías Cultura e Festas.

    O reparto de áreas permitirá seguir atendendo “ás necesidades da cidadanía”. Para alcaldesa redondelá, “o noso mellor aval e o traballo e a dedicación que lle prestamos ás demandas da cidadanía”. Dar cumprida satisfacción as necesidades que teñen cada un dos nosos e nosas veciñas “seguirá a ser o noso obxectivo porque, ese traballo, será o que nos permita seguir construíndo a Redondela de futuro e con futuro que todas e todos queremos”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.