17.6 C
Pontevedra
Luns, 17 de Xuño de 2024
Máis
    HomeUltimas NoticiasPonteareas inicia o proceso de humanización da rúa Redondela

    Ponteareas inicia o proceso de humanización da rúa Redondela

    As obras, que contan cun orzamento de 520.000 euros, incluen a renovación da rede de saneamento e comezarán antes de rematar o 2019

    O concello de Ponteareas da un paso máis na mellora e transformación do núcleo urbano iniciando o proceso que rematará na humanización da rúa Redondela. O primeiro paso dado é poñer en coñecemento das empresas que poidan estar interesadas, da apertura do prazo de presentación de ofertas que estará aberto ata o 30 de outubro. Cun orzamento de licitación de 520.226,70 €, o Concello financia o 20 % da obra e os fondos FEDER da Unión Europea, no marco da estratexia ‘Ponteareas, Hábitat Saudable’”, o 80 % do custe da obra.

    A obra, decidida entre o Goberno e a cidadanía, non fai máis que cumprir “o compromiso de facer de Ponteareas un fogar no que vivir”, sinala o executivo local.

    O alcalde Xosé Represas explica que, mediante un proceso participativo a veciñanza da zona “recibíu información sobre a transformación a relizar, reuníuse cos técnicos redactores do proxecto, podendo trasladar as súas suxestións e necesidades chegando mesmo a ser partícipe da proposta que se vai executar”.

    A opinión maioritaria decantouse pola alternativa que supón un maior grao de humanización da rúa. Deste xeito, o proxecto contempla, segundo adianta a concelleira de Vías e Obras Chus Garrote, un único sentido de circulación desde a rotonda da estrada de As Neves até o entronque da rúa Redondela coa rúa das Pombas. Desde aí até a rotonda do Axente Comercial manterase o dobre sentido de circulación. A alternativa escollida contempla a ampliación substancial das beirarrúas que oscilarán entre os 2,50 metros e un máximo de 6,00 metros.

    Ademais contémplase a plantación de 27 árbores e a instalación de 12 farolas con tecnoloxía led, 6 bancos, papeleiras, dispensadores de bolsas para excrementos de cans e paneis informativos para colocación de información municipal.

    Tamén se reducirá o límite de velocidade aos 30 km/h e créase unha zona a maiores de carga e descarga

    O alcalde Xosé e a concelleira sinalan que, nestes momentos, o Concello de Ponteareas ten en execución obras por máis de dous millóns de euros xa que, a humanización da rúa Redondela, engádense obras como a humanización do primeiro tramo da rúa San Roque –que xa está executándose–; o saneamento e mellora do Alto da Gloria; o tramo da rúa Fernández Vega fronte a praza da abastos e auditorio –a piques de arrancar–; a mellora da eficiencia enerxética do Conservatorio e da Escola Infantil Municipal, entre outras.

    As obras, sinala o alcalde ponteareán, son exemplo da “transformación por completo da vila converténdoa nun lugar pensado para a xente, no que vivir, pasear e gozar”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.