18.7 C
Pontevedra
Luns, 24 de Xuño de 2024
Máis
    HomeUltimas NoticiasPonteareas adxudica axudas a autónomos e empresas por un total de 180.000...

    Ponteareas adxudica axudas a autónomos e empresas por un total de 180.000 euros

    O goberno municipal do Psoe-BNG concede a un 80% dos solicitantes axudas directas de reactivación económica

    Co obxecto de paliar as consecuencias derivadas da crise provocada pola Covid-19 e minimizar a grave situación económica e social á que se enfrontan os negocios da nosa Vila, as concellerías de Emprego e formación así como Comercio publicaron conxuntamente unhas axudas directas de 500 e 300 euros respectivamente para todas aquelas actividades económicas afectadas pola declaración do Estado de Alarma.

    Estas axudas, que foron tramitadas dende o Centro de Desenvolvemento Local, están practicamente resoltas na súa totalidade, tan só están pendentes de resolverse 41 recursos interpostos; o que supón que foron admitidas un 80% das solicitudes presentadas.

    A concelleira de emprego e formación, a socialista Vanesa Fernández, indicou que houbo un total de 540 solicitudes das cales foron concedidas 419 o que supón unha axuda directa do concello ás empresas da nosa vila de preto de 180.000 euros. A concelleira sinala que “cumprimos así o noso obxectivo de prestar apoio inmediato ás persoas autónomas e empresas da nosa vila de xeito que permita asegurar a reactivación económica do noso concello”.

    Aqueles negocios que por problemas económicos con outras administracións non puideron acceder á axuda posta en marcha polo Concello de Ponteareas serán informados nos vindeiros días de outras posibilidades de axuda. Así, a concelleira socialista Vanesa Fernández sinalou que “dende o centro de desenvolvemento local chamarase a todos aqueles que por débedas non obtiveron a axuda directa pola Covid-19 para informarlles de que poden pedir cita coa asistenta social no concello e ver se encaixan as súas necesidades nas axudas de emerxencia social que se atenden durante todo o ano”. Así mesmo a concelleira de Emprego e formación adiantou que dende a súa concellería xunto coa concellería de comercio estaba a negociarse coa oposición unha nova liña de axudas para a reactivación económica.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.