16.5 C
Pontevedra
Xoves, 20 de Xuño de 2024
Máis
    HomeUltimas NoticiasO alcalde e a concelleira de Deportes da Guarda, felicitan públicamente ao...

    O alcalde e a concelleira de Deportes da Guarda, felicitan públicamente ao Mecalia Atl. Guardés

    Antonio Lomba, alcalde da Guarda e Montserrat Magallanes, Concelleira de Deportes, trasladaron os seus parabéns para o equipo, directivo técnico e xogadoras do ‘Mecalia Atl. Guardés’ tras conseguir o galardón de Mellor Equipo Feminino 2018, xunto co Burela Fútbol Sala Feminino, un premio que concede anualmente a Secretaría Xeral para o Deporte da Xunta de Galicia.

    De igual xeito dende o consistorio local quérese dar o parabén polo subcampionato de liga, a fase final da Copa e a participación na terceira rolda da EHF Cup Europea, “sen dúbida unhas competicións de moita importancia e resultados que se traducen do bo estado de forma deste clube, que leva o nome da Guarda alá onde compite”.

    Montserrat Magallanes valorou positivamente o traballo realizado dende o clube “e o seu forte compromiso ao máis alto nivel de competición”. Quixo destacar a concelleira de Deportes o “enorme esforzo” que tamén supón para o Concello da Guarda ter un equipo como o Mecalia Atl. Guardés na vila, adiantando que o compromiso co club “será sempre o de apoiar en todo o que sexa posible”.

    Antonio Lomba aproveitou esta ocasión para destacar a recente participación das xogadoras Marisol Carratú e Rosario Urban e do adestrador José Ignacio Prades no Mundial de Xapón, “o que amosa a importancia que ten o balonmano femenino na Guarda”, dando os parabéns por tan importante hito deportivo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.