12.4 C
Pontevedra
Domingo, 29 de Xaneiro de 2023
Máis
    HomeComarcasRedondelaA Coordinadora contra a casa de apostas de Redondela comeza a recollida...

    A Coordinadora contra a casa de apostas de Redondela comeza a recollida de alegacións

    O pasado 30 de outubro o Boletín Oficial da Provincia de Pontevedra (BOPPO) publicaba o anuncio de apertura do periodo de exposición pública do Expediente 4982/2019 de tramitación de licenza municipal para salón recreativo de xogo. Dende ese día, a Coordinadora contra a casa de apostas de Redondela tal e como viña anunciando, organizouse para estudar o expediente e elaborar escritos de alegacións para poñer a disposición da veciñanza.

    Revisado o expediente, a Coordinadora sinala que “se detectou a carencia dun Acta de Inspección de data 6 de abril e que se menciona na resolución da Xunta de Galicia, dito acta resulta necesario para poder comprobar determinados extremos que serán parte do argumentario das alegacións”.

    A Coordinadora presentou xa escrito no Concello de Redondela para que requiran da Xunta de Galicia esa documentación fundamental para o estudo en profundidade da tramitación por parte da administración autonómica.

    Quedando á espera desa documentación requerida, a Coordinadora leva elaborados diferentes modelos de alegacións. Estes escritos están baseados na distancia entre o local e os centros escolares que por norma deberá ser maior a 150 metros e que, según subliñan, no caso do Conservatorio non os hai. Tamén hai alegacións en base á saúde pública posto que a ludopatía está recoñecida como adición, molestias e ruidos aos vecinos posto que será un local con horario de apertura diaria ata as dúas da mañanciña, entre outras razóns.

    Dende mañá venres e ata o próximo xoves 21 a Coordinadora contra a Casa de Apostas colocará mesas informativas cos distintos modelos de alegacións en distintos puntos da vila de Redondela e na parroquia de Chapela.

    As mesas estarán, en Redondela, diante do mercado de abastos, nos soportais do Concello e no campo da Feira o día 21. Pola súa banda as de Chapela quedarán instaladas diante do Centro de Saúde e na Alameda. Con esta campaña esperan que a veciñanza de Redondela presente as súas suxestións e alegacións contra a apertura dese local de apostas tendo en conta que o xogo supón un dos maiores problemas de adición na sociedade actual.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS