7.6 C
Pontevedra
Xoves, 20 de Xaneiro de 2022
Máis
    HomeÉ NoticiaTodo preparado para as finais da 'Copa Deputación de Fútbol'

    Todo preparado para as finais da ‘Copa Deputación de Fútbol’

    As finais da Copa Deputación, ás que asistirá a presidenta da institución provincial, Carmela Silva, xa están servidas tras tres meses de actividade nos que preto de 140 equipos da provincia pelexaron por chegar ao partido polo título. O récord de participación no torneo marcouse grazas á inscrición de 119 equipos masculinos e 19 femininos.

    Tras a disputa das rondas previas na competición masculina, finalmente o Pontevedra C.F ‘B’ e C.D. Pontellas xogarán a final, que disputarase este mércores, 29 de maio, ás 21:00 h, no Campo de Fútbol da Lomba, en Vilagarcía de Arousa. Unha semana despois, farán o propio en categoría feminina o Umia C.F. e o C.D. Valladares. Será o mércores 5 de xuño, tamén ás 21:00 h, no Campo do Carrasco, en Marcón

    No caso da final masculina, será en Vilagarcía onde decidirase o gañador, que este ano terá novo vencedor despois de que o C.D. Choco, campión das catro últimas edicións, quedase eliminado en semifinais ante o Pontellas (2-0). Se o club porriñés é finalista como gañador da zona sur, na norte foi o filial granate, o Pontevedra C.F.o que clasificouse tras vencer 1-0 ao Marcón Atlético.

    Pola súa banda, o campo de Carrasco en Marcón, Pontevedra, será escenario da final feminina, que enfrontará ao Umia C.F. co C.D. Valladares. Ambos equipos alcanzaron a final da Copa Deputación de Pontevedra tras gañar con certa autoridade os partidos de semifinais, xogados a finais de abril.

    O equipo de Ribadumia, que xa chegou á final a pasada edición, foi o que obtivo unha vitoria máis contundente, vencendo ao Viajes Interrías Fútbol Feminino por 4 a 1. Pola súa parte, o conxunto vigués derrotou por 2-1 ao Sárdoma C.F. nun partido que xa dominaban 2-0 nos primeiros minutos da segunda metade. O campión da pasada edición, o Atlántida Matama, caeu nesta ocasión na eliminatoria de cuartos de final tras un partido moi igualado ante o Sárdoma C.F.

    A final masculina máis aberta dos últimos anos
    A Lomba, en Vilagarcía (21:00 horas) recibe este mércores a final masculina ente o Pontevedra B (1ª Autonómica) e o C.D. Pontellas (Preferente Sur) na final máis aberta dos últimos anos. Ademais, será un aliciente extra para dous equipos de éxito esta campaña: o filial granate acaba de conseguir o ascenso a Preferente Sur como subcampión ligueiro e o conxunto porriñés fixo o propio subindo a Terceira División, por vez primeira na súa historia, como campión do grupo sur.

    Sergio Moreira, na súa primeira tempada á fronte do equipo, por parte do club da capital, e José Luis Curiel no equipo azulgrana foron os técnicos do ascenso e ambos valoran o evento impulsa e patrocina a administración provincial que preside Carmela Silva, que asistirá á final.

    “Disputeina co Atios ante o Unión Grove e perdina; naquel momento non estaba do todo valorada como o está agora”, lembra Curiel (2012, 1-1 ante o Grove e derrota nos penaltis), que estes anos foi eliminado polo Choco (2016), logo campión, e o Sporting Guardés. A ambos lles devolveu agora o desquite deportivo: ao Guardés bateuno 2-5 na Sangriña en cuartos, para meterse nas semifinais (o final sur) e ao equipo redondelán tombouno 2-0 para acceder a esta final. E o Choco levaba catro anos gañando o torneo (de 2015 a 2018) e 29 partidos copeiros sen perder.

    Pero a Copa Deputación deste ano, que unha vez máis se disputa en campo de herba natural, converteuse nun torneo de máxima igualdade e abonado ás sorpresas. “As finais hai que xogalas, é unha experiencia e queremos facer un papel digno”, indica Moreira, adestrador do B do Pontevedra.

    Ambos os dous equipos chegan ao partido que determina o título ao completo; os granates darán entrada na convocatoria a dous xuvenís, Garrido e Manu Otero, e queren despedir a tempada cunha alegría máis. “Quédanos a espinita de non ser campións ao perder en Pasarón ante o Portonovo, pero a tempada foi moi boa”, recoñece o técnico pontevedrés.

    Curiel ten algún xogador con molestias, pero todos estarán dispoñibles. A fin de semana deu descanso a varios xogadores pensando na Copa e en que a fin de semana xogarán en Santa Isabel por ser o mellor equipo de toda a Preferente galega.

    A traxectoria copeira de ambos os dous once foi brillante. O Pontevedra B, que actuará como conxunto local, desfíxose do Noalla (0-6), Beluso (2-1), San Martín (4-3), Moraña (1-5), Alondras (1-1 e 5-4 nos penaltis) e Marcón Atlético (1-0). É dicir, na Junquera deixou na cuneta a equipos de Preferente Sur (Beluso e Marcón At.). O Pontellas, que tamén soubo sufrir nos penaltis (primeira eliminatoria, 2-2 en As Baloutas contra o Mos e 1-3 desde os once metros), derrotou claramente ao Choco (2-0, goles de Javier Alonso e Alberto Barreiro) en San Campio 2.

    “Chegar á final foi unha sorpresa que non entraba nos nosos plans, pero agora hai que gozala”, di Sergio Moreira. “A Copa mantenche o nivel competitivo e manexas a xente entre domingo e mércores e sempre lle digo aos meus xogadores que, xa que estamos imos gañar. É moi atractiva”.

    Por categoría na que xoga, o Pontellas é favorito sobre o papel ao estar unha por encima do seu adversario. “Non me din nada as categorías porque a Copa dá lugar a moita resultados sorpresa e o persoal do Pontevedra B é unha quinta que leva tempo dando que falar”, resumiu Curiel.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS