12.9 C
Pontevedra
Mércores, 22 de Maio de 2024
Máis
    HomeÉ NoticiaSmartPeme imparte esta semana cinco novos obradoiros

    SmartPeme imparte esta semana cinco novos obradoiros

    O programa de asesoramento tecnolóxico oferta, entre outros, cursos sobre ciberseguridade, márketing ou optimización de páxinas web

    A Deputación de Pontevedra, a través de SmartPeme, oferta esta semana cinco novas accións formativas impartidas de xeito online, enmarcadas na carteira de obradoiros que se imparten de forma telemática. As accións tratarán temas como o inbound márketing, contramedidas de ciberseguridade ou a creación e optimización de webs.

    Os obradoiros desenvolveranse entre hoxe martes e o xoves. Nesta primeira xornada, o deseñador gráfico Guillermo Nass impartirá ás 12 horas o curso Guía para crear e optimizar a túa páxina web, unha guía básica para comezar calquera proxecto en liña.

    O mércores 26 celebraranse outros dous cursos, o primeiro ás 12 horas titulado  Ciberseguridade, contramedidas básicas 2021 II, da man de Manuel Freire, experto universitario en robótica para explicar os posibles riscos de Internet e as  contramedidas que lles axudarán a estar máis protexidos na rede. E o segundo, ás 18 horas, abordará a Introdución ao inbound márketing I, a metodoloxía non intrusiva, baseada en técnicas do márketing e a publicidade dixital, que ten como obxectivo comunicarse cunha persoa usuaria desde que coñece unha marca ata a venda final. Ofrecerá este obradoiro Adrián Fernández, licenciado en Comunicación Audiovisual.

    Para o xoves 27 están programados Planifica os propósitos de 2022: mellora a túa produtividade con Trello e outras aplicacións, ás 12 horas, que tratará o teletraballo e a produtividade e será impartido por Fátima Faílde, posgraduada en Comuniación e Industrias Creativas; e Infografías, representa a información de maneira visual (18 horas), no que a deseñadora gráfica Laura Taboada amosará ás persoas participantes os tipos de infografías e as súas vantaxes par ao negocio, así como tamén como crealos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.