11.5 C
Pontevedra
Sábado, 27 de Novembro de 2021
Máis
    HomeÉ NoticiaPaula Cabaleiro, nova directora do servizo de Cultura da Deputación de Pontevedra

    Paula Cabaleiro, nova directora do servizo de Cultura da Deputación de Pontevedra

    Carmela Silva: “Con este nomeamento imos ordenar as nosas liñas estratéxicas culturais para configurar unha identidade propia do servizo que vai permitir reforzar accións e avanzar na democratización da cultura”

    “Se a cultura era xa unha das nosas grandes apostas e prioridades, non teño ningunha dúbida de que a partir de agora vai haber un revulsivo moi importante”, asegurou Carmela Silva ao dar a coñecer o nomeamento de Paula Cabaleiro como nova directora do servizo de Cultura da Deputación de Pontevedra.

    A presidenta e a deputada de Cultura, Vicky Alonso, explicaron o obxectivo principal deste novo posto de dirección en prol do ordenamento das “liñas estratéxicas culturais para configurar unha identidade propia do servizo que vai permitir, á súa vez, reforzar accións, poñer en marcha proxectos globais e avanzar na democratización da cultura, facéndoa igualitaria e inclusiva”.

    Así, baixo a dirección de Cabaleiro, o departamento de Cultura da Deputación vai centrar a súa acción en catro eixos de actuación: promoción dos recursos culturais da provincia, configuración dunha oferta cultural propia, promoción do patrimonio intanxible e apoio á produción cultural contemporánea.

    En liñas xerais, a partir de agora a política cultural da Deputación vai ampliar os programas e propostas actuais con novas accións, partindo dos ODS para impulsar políticas culturais responsables, en colaboración cos concellos e fomentando que a cidadanía poida acceder aos servizos culturais. Máis polo miúdo, baixo a dirección de Paula Cabaleiro, o servizo de Cultura vai traballar centrándose en catro eixos de actuación que van recoller todas as actividades que vai impulsar a institución provincial neste eido e que van abordar tamén, de forma transversal, cuestións como a igualdade, obxectivo prioritario do goberno de Carmela Silva, a sustentabilidade ou a inclusión.

    Así, o primeiro dos eixos de actuación do servizo de Cultura será a promoción dos recursos culturais e inclúe, tal e como explicou a nova directora, a súa posta en valor, conservación e actualización ben a través de proxectos de restauración e recuperación, sinalización, musealización ou de exposicións temporais e recoñecemento.

    No que respecta ao segundo eixo de traballo, a oferta cultural propia, Cabaleiro adiantou que se van impulsar actividades, proxectos e programas dende o servizo de Cultura para toda a provincia de Pontevedra. Así, aquí agrúpanse tanto as exposicións temporais, como roteiros literarios, contacontos, obradoiros, formación en literatura como a nova Escola das Letras, ciclos de música clásica, programación musical, fomento da cultura popular galega ou novos programas de apoio específico á programación de artes escénicas e festivais de cine.

    O terceiro grande eixo do servizo de Cultura será a promoción do patrimonio intanxible e a posta en valor e recuperación da memoria. Neste eido traballarase a través de exposición, obradoiros, xornadas e encontros, pero tamén mediante proxectos de investigación, literarios e outros que promovan a divulgación e publicación de contidos relacionados con esta temática.

    Finalmente o cuarto eixo de actuación do servizo de Cultura vai ser o apoio á produción cultural contemporánea, “tan importante se queremos garantir a supervivencia do sector”. Inclúense aquí propostas encamiñadas a premiar a creación cultural contemporánea e a visibilizala, así como certames, bolsas, subvencións, actividades de dinamización cultural e intercambios internacionais.

    Nestas catro áreas Cabaleiro, como detallou a presidenta provincial, ten “acreditada experiencia”. Así, Carmela Silva explicou o amplo currículo da nova directora de Cultura, seleccionada por unanimidade por un órgano técnico de funcionarias e funcionarios da Deputación de Pontevedra e que exerce xa as súas funcións dende o 15 de maio, entre os que se valorou positivamente os seus amplos coñecementos na dirección de plans ou programas culturais, así como a súa experiencia no desenvolvemento de proxectos de dirección e xestión cultural e o vínculo co mundo local. Amais, a presidenta destacou o seu compromiso coa visibilización das mulleres no mundo artístico: “é unha muller nova, potente, comprometida, traballadora, que lle vai dar un pulo moi importante á área de cultura”.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS