18.9 C
Pontevedra
Domingo, 26 de Setembro de 2021
Máis
    HomeÉ NoticiaO CPI 'Suárez Marquier' do Rosal e o CEIP 'Mestre Manuel García'...

    O CPI ‘Suárez Marquier’ do Rosal e o CEIP ‘Mestre Manuel García’ de Oia, entre os gañadores do II Concurso de Poadcasts-Radio na Bibio

    Os traballos debían xirar arredor do homenaxeado co Día das Letras Galegas, Ricardo Carvalho Calero, o patrimonio lingüístico galego ou a lectura de poesía e teatro en lingua galega

    A Consellería de Cultura, Educación e Universidade vén de publicar a relación dos centros premiados no II Concurso de Podcasts-Radio na Biblio, que acadaron un total de 7 centros educativos de toda Galicia cos traballos realizados nos seus laboratorios radiofónicos. Entre os galardoados atópanse o CPI ‘Suárez Marquier’ do Rosal, por O rap de Carvalho Calero, na categoría Infantil e primeiro ciclo de Primaria, e o CEIP ‘Mestre Manuel García’ de Oia por Curiosidade espacial na modalidade dirixida aos demáis cursos de primaria.

    Os centros gañadores nas distintas modalidades recibirán cada un unha asignación extraordinaria de 1.000€ para melloras no laboratorio de radio ou para actividades relacionadas co funcionamento do mesmo, sempre vinculado á biblioteca do centro.

    Os podcasts premiados serán difundidos pola Radio Galega a partir desta fin de semana a través da súa páxina e a través dos medios web da Consellería de Cultura, Educación e Universidade (web de Bibliotecas Escolares de Galicia e outros).

    Ademais, o alumnado implicado nos traballos seleccionados poderán visitar as instalacións da Radio Galega en Santiago de Compostela, tras o acordo previo con esta entidade, e sempre que a situación sanitaria o permita. Da mesma forma, a Radio Galega poderá realizar entrevistas a algúns dos grupos responsables dos traballos seleccionados.

    O concurso consta de catro modalidades. Na de Infantil e primeiro ciclo de Primaria amais do Suárez Marquier, resultaron premiados o CEIP Nicolás del Río (Cedeira), polo podcast Primavera das Letras e o CEIP San Bartolomé (Vilanova de Arousa), por Entrevista a Antonio García Teijeiro.

    Na modalidade dirixida ao resto dos cursos de Primaria, o CEIP de Foz nº 1 (Foz), por Teatro radiofónico: Auto do alugado (Manuel María), acompañaba ao Mestre Manuel García de Oia no cadro de galardoados.

    Na categoría de ESO foron premiados o IES Punta Candieira (Cedeira), polo podcast Argallando coas palabras, e o IES Fontexería (Muros), por Confinamento nas ondas: especial Carvalho Calero. Finalmente na categoría dirixida a alumnado de Bacharelato ensinanzas de Persoas Adultas ou Ciclos Formativos o centro premiado é, de novo, o IES Punta Candieira (Cedeira), por Hoje vai de poesía.

    Ferramenta pedagóxica

    Este é o segundo ano no que a Consellería convoca, en colaboración coa CRTVG, este concurso, destinado aos centros públicos participantes no programa Radio na Biblio e a outros centros que traballan xa con este medio como ferramenta pedagóxica.

    Este ano, co gallo da dedicación do Día das Letras Galegas ao filólogo e escritor Ricardo Carvalho Calero, os podcasts radiofónicos participantes debían xirar arredor do traballo do ferrolán, ou inspirados pola súa figura, en cuestións como a riqueza do patrimonio lingüístico galego, especialmente vinculado ao medio xeográfico, cultural e humano máis próximo ao centro. A temática dos traballos tamén podía ir dirixida a estimular a lectura de poesía e teatro galegos e en galego.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS