14.8 C
Pontevedra
Xoves, 19 de Maio de 2022
Máis
    HomeÉ NoticiaO Castelo de Soutomaior confírmase como "destino seguro" e avanza en excelencia

    O Castelo de Soutomaior confírmase como “destino seguro” e avanza en excelencia

    A aposta pola calidade da Deputación dará novos froitos para o Castelo co prestixioso selo europeo Observer como destino de turismo científico

    O Castelo de Soutomaior confírmase como un destino seguro, tras reabrir as súas portas o pasado martes, e avanza na aposta da Deputación de Pontevedra pola excelencia. A presidenta, Carmela Silva, supervisou hoxe todas as medidas de protección incluídas nos plans de continxencia que, de forma exhaustiva, garanten a seguridade e tranquilidade de visitantes e do persoal do Castelo.

    A presidenta da Deputación mostrou a súa “satisfacción xa que o empeño e traballo por gañar en calidade turística nos dará novos froitos moi cedo”. Por unha banda, Carmela Silva confirmou o avance dos traballos para que o Castelo, que xa é destino Sicted, poida optar á Q de calidade. Por outro lado tamén avanzou que o Castelo camiña cara á obtención do prestixioso selo Observer, a primeira certificación europea especializada na posta en valor dos espazos de turismo científico, que no caso de Soutomaior subliñaría os seus valores históricos e botánicos. De feito este mesmo mércores persoal técnico do programa comezará a avaliar o recinto. Hai que lembrar que o de Soutomaior é Xardín de Excelencia Internacional, de máis de 15.700 m2, con 175 especies arbóreas diferentes, algunhas delas con máis de oitocentos anos de antigüidade, sendo especialmente relevante a colección de máis de 300 exemplares de camelias, de 22 tipos distintos.

    En canto á seguridade, Carmela Silva sinalou que a visita de hoxe era “observar en primeira persoa todos os protocolos e medidas postas en marcha para garantir a saúde tanto das persoas que aquí traballan como das que o veñen a visitar”. Neste eido, a presidenta provincial comprobou na mesma entrada o punto de información dende o que persoal técnico do Castelo explica as medidas de hixiene e distanciamento que se teñen que cumprir durante a visita. Tamén neste espazo se toma a temperatura a todas as persoas que se achegan ao recinto.

    É obrigatorio o uso de mascarillas e o emprego de luvas xa que, tal e como explicou a presidenta, “se trata dun espazo museístico interactivo e cómpre evitar toda posibilidade de contaxio”. Precisamente, por este mesmo motivo desactiváronse de xeito temporal as pantallas táctiles, sobre todo de cara ao público infantil. Ademais, para minimizar os riscos, á entrada do castelo, hai dispostas xa fontes de hidroxel que permiten desinfectar as mans.

    En canto ao percorrido das visitas mantense o habitual, con persoal de seguridade que se encarga de definir claramente a saída para evitar que haxa cruces entre as persoas. O que si varía é o aforo, tamén controlado polo persoal de seguridade, que estará limitado ao 50% o que supón aproximadamente a presenza de 160 persoas visitando simultaneamente o Castelo. Ademais, para recordar as medidas de distanciamento social, cada quince minutos escoitarase en bucle a través da megafonía unha mensaxe para manter a distancia de dous metros de seguridade. No marco do plan de continxencia do Castelo de Soutomaior, as medidas de limpeza e ventilación estanse extremando ao máximo. No que respecta ao persoal que atende o castelo, está equipado con equipos de protección individual: mascarillas e luvas e pantallas protectoras para as visitas guiadas, para garantir unha correcta explicación sobre todo de cara ás persoas con dificultades auditivas.

    Actividade virtual no confinamento: “O Castelo foi visitar á xente ás súas casas. Agora lles pedimos que volvan presencialmente a visitalo”

    A presidenta da Deputación recordou que durante o confinamento o Castelo de Soutomaior tivo unha importante actividade on line, chegando á cidadanía mediante actividades e xogos interactivos, campañas como #RíasBaixasenCasa ou #21Days21Destinantios, vídeos e fotografías sobre a floración de diferentes especies e tamén sobre as actividades que se realizan habitualmente, para manter “vivo” todo o que se pode facer neste espazo. Igualmente, celebráronse online efemérides como o Día do Libro (co sorteo do exemplar ‘María Vinyals. La mujer del porvenir’), Día de Europa (recordando o artigo ‘La Europa que yo vi’ de María Vinyals) ou o Día Internacional dos Museos. “O castelo foi visitar á xente ás súas casas, –destacou Carmela Silva– e agora lles pedimos que volvan presencialmente a visitalo porque é unha experiencia única, un lugar máxico con recunchos e relatos que falan da súa incrible historia dende o século XII”.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS